वेश्‍याव्यवसायातून परदेशी मुलींची सुटका

पुणे - स्पा व मसाज सेंटरच्या नावाखाली सुरू असलेल्या वेश्‍याव्यवसायाच्या ठिकाणी सामाजिक सुरक्षा विभागाच्या पथकाने छापा घातला. त्यामध्ये चार परदेशी तरुणींची सुटका करण्यात आली, तर व्यवस्थापक महिलेस अटक करण्यात आली.

येरवडा येथील फिनिक्‍स चौकातील सहारा हॉटेलच्या वरील बाजूस असलेल्या ऑर्चिड थाई स्पा या ठिकाणी वेश्‍याव्यवसाय सुरू असल्याची खबर सामाजिक सुरक्षा विभागाच्या पोलिस निरीक्षक शिल्पा चव्हाण यांना मिळाली होती. त्यानुसार त्यांच्या पथकाने घटनास्थळी छापा घातला. विशाल जाधव व दिव्या भारती हे दोघे जण संबंधित स्पा सेंटर चालवीत असल्याची माहिती मिळाली. त्या वेळी दिव्या भारती ही व्यवस्थापक म्हणून काम पाहात होती. पोलिसांनी तिला अटक केली. त्यानंतर तेथे असलेल्या चार थायलंड येथील तरुणींची सुटका केली.