पुणे : निवृत्त तहसीलदार आणि अहमदनगर जिल्हा राज्य कर्मचारी आणि संयुक्त कर्मचारी संघटनेचे जिल्हाध्यक्ष दिनकर तुकाराम निकम (वय ९७) यांचे वृद्धापकाळाने शुक्रवारी (ता. १२) पुण्यात निधन झाले. त्यांच्यामागे तीन मुलगे, सुना, नातवंडे असा मोठा परिवार आहे.
निकम यांनी अहमदनगर जिल्ह्यात पारनेर तालुक्याचे तहसीलदार म्हणून चांगली कामगिरी बजावली होती. तत्कालीन जिल्हाधिकारी अनिलकुमार लखिना यांनी दुष्काळी तालुक्यात केलेल्या कामाबद्दल त्यांचा सत्कार केला होता. अहमदनगर जिल्ह्यातील महसूल कर्मचारी संघटनेचे ते संस्थापक अध्यक्ष होते.
१९७० साली संघटनेने पुकारलेल्या बेमुदत संपाचे नेतृत्व निकम यांनी केले होते आणि त्यात त्यांना अल्पकाळ तुरुंगवासही भोगावा लागला. अहमदनगर जिल्ह्यातील नाट्यकर्मी मधुकर तोरडमल यांच्याबरोबर रंगभूमीवरही त्यांनी काही काळ काम केले होते.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.