लोणी काळभोर (पुणे) : पूर्व हवेलीत मागिल चार दिवसात तब्बल बावीस कोरोनाबाधित रुग्ण आढळून आल्याने नागरिक घाबरले आहेत. कदमवाकवस्ती, फुरसुंगी, शेवाळेवाडी व कुंजीरवाडी या चार गावात गुरुवारी (ता. २४) दुपारपर्यंत कोरोनाचे तब्बल बारा रुग्ण आढळून आले आहे. या रुग्णांमध्ये सात महिला, तर पाच पुरुष आहेत. आरोग्य विभागाने कोरोनाबाधित 34 जणांच्या संपर्कात आलेल्या दोनशेहून अधिक जणांना होम क्वारंटाइन केले आहे.
पूर्व हवेलीमधील थेऊर गावात सोमवारी (ता. २२) सकाळी कोरोनाचा पहिला रुग्ण आढळून आला होता. या रुग्णांच्या संपर्कात आलेल्या बारा जणांपैकी तब्बल चार जण कोरोनाबाधित आढळून आले होते. त्यानंतर मागिल तीन दिवसात थेऊर, कुंजीरवाडी, वळती, उरुळी कांचन, कुंजीरवाडी, कदमवाकवस्ती या प्रमुख गावात कोरोनाचे मोठ्या प्रमाणात रुग्ण आढळून आले आहेत.
मंगळवारी (ता. २३) दिवसभरात बारा कोरोनाबाधित रुग्ण आढळून आले होते. आरोग्य विभागाने मंगळवारी दिसभरात आढळून आलेल्या वरील बारा कोरोनाबाधित रुग्णांच्या संपर्कात आलेल्या 75 जणांचे स्वॅब (घशातील द्रव) बुधवारी (ता. २४) सकाळी लोणी काळभोर येथील कोरोना केअर सेंटरमधून तपासणीसाठी पाठवले होते. त्यांचा स्वॅब तपासणी अहवाल गुरुवारी दुपारी बारा वाजण्याच्या सुमारास आला. त्यात बारा जण कोरोना पॉझिटिव्ह असल्याचे निष्पन्न झाले आहे, असे लोणी काळभोर येथील आरोग्य अधिकारी डॉ. डि. जे. जाधव यांनी सांगितले.
आज आढळून आलेल्या बारा रुग्णांत कदमवाकवस्ती, कुंजीरवाडी व फुरसुंगी व शेवाळवाडी या चार ग्रामपंचायत हद्दीतील प्रत्येकी तीन रुग्णांचा समावेश आहे. कुंजीरवाडी, कदमवाकवस्ती व थेऊर ग्रामपंचायत हद्दीतील रुग्णांची संख्या अचानक वाढली आहे. त्यामुळे या तीन गावातील नागरिकांनी काळजी घेण्याची अधिक गरज आहे.
बेशिस्तीमुळे धोका आणखी वाढणार
पूर्व हवेलीमधील लोणी काळभोर, कुंजीरवाडी, कदमवाकवस्ती व थेऊर या चार ग्रामपंचायत हद्दीत मागिल तीन दिवसात तब्बल पंधऱाहुन अधिक रुग्ण आढळून आले आहेत. थेऊर वगळता उर्वरीत तीनही गावात बाजारपेठा पूर्वीप्रमाणेच गर्दीत चालू आहेत. कदमवाकवस्ती व लोणी काळभोर हद्दीतील नागरिक कसलीही काळजी घेत नसल्याचे दिसून येत आहे. लोणी काळभोर गावातील मंडईत विक्रेते व ग्राहक हे दोन्ही घटक मास्क वापरत नसल्याचे आढळून आले. कदमवाकवस्ती ग्रामपंचायतीने भाजीपाला विक्रेत्यांना जागा ठरवून देऊनही ते रस्त्यावर कसल्याही प्रकारची काळघी न घेत विक्री करत आहेत. या बेशिस्तीमुळे पुढील काळात कोरोनाबाधित रुग्णांची संख्या वाढण्याचा धोका आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.