Coronavirus: पुण्यातील कोरोनाग्रस्त रुग्णांचे रिपोर्ट्स समोर; प्रकृती...

पुणे : कोरोना बाधित पाच रुग्णांपैकी चौघांची तब्येत उत्तम आणि स्थिर आहे. तर एका रुग्णांमध्ये कोरोनाची सौम्य लक्षणे आहेत, अशी माहिती विभागीय आयुक्त डॉ. दीपक म्हैसेकर यांनी बुधवारी पत्रकार परिषदेत दिली.

ताज्या घडामोडींसाठी डाऊनलोड करा ई-सकाळचे ऍप
या पत्रकार परिषदेस जिल्हाधिकारी नवल किशोर राम, महापालिका आयुक्त शेखर गायकवाड, पोलिस आयुक्त के. वेंकटेशम, जिल्हा परिषदेचे मुख्य कार्यकारी अधिकारी आयुष प्रसाद, निवासी उपजिल्हाधिकारी जयश्री कटारे आदी उपस्थित होते.

Coronavirus : कोरोनाचे राज्यात थैमान; रुग्णांची संख्या...

डॉ. म्हैसेकर म्हणाले, ''शहरात सध्या पाच रुग्ण कोरोना बाधित आहेत. तर, अन्य 17 संशयित रुग्णांना उपचारासाठी दाखल करण्यात आले आहे. त्यापैकी दहा जणांच्या नमुना तपासणीचा अहवाल आज सायंकाळपर्यंत येईल. मगरपट्टा आणि हिंजवडीसह काही आयटी कंपन्यांनी कर्मचाऱ्यांसाठी वर्क फ्रॉम होम सुरू केले आहे. आयटी कंपन्यांच्या या निर्णयाचे स्वागतच आहे. नागरिकांनी सोशल मीडियावर अफवा पसरवू नये. संबंधितावर पोलिसांमार्फत कारवाई करण्यात येईल, असे म्हैसेकर यांनी नमूद केले.

Coronavirus : कोरोनाग्रस्तावर 'एचआयव्ही'चा उपचार

शाळा आणि महाविद्यालय बंद ठेवण्याबाबत अद्याप कोणत्याही सूचना दिलेल्या नाहीत. याबाबत आवश्यकता भासल्यास तशा सूचना देण्यात येतील, असे जिल्हाधिकारी राम यांनी स्पष्ट केले.

कोरोना भीती नको काळजी हवी!

मुख्यमंत्र्यांकडून परिस्थितीचा आढावा
पुणे जिल्हा तसेच विभागातील कोरोना आजाराच्या उद्भवलेल्या परिस्थितीबाबत मुख्यमंत्री उद्धव ठाकरे आणि उपमुख्यमंत्री अजित पवार यांनी व्हिडिओ कॉन्फरन्सिंगद्वारे आढावा घेतला. यावेळी सद्यस्थितीत करण्यात येणार्‍या उपाययोजनांची माहिती त्यांना देण्यात आल्याचे म्हैसेकर यांनी सांगितले.