10 th Board Exam : केसनंद मध्ये दहावीच्या विद्यार्थ्यांसाठी मोफत बस व रिक्षा ; प्रमोद हरगुडे मित्र परिवाराचा उपक्रम.

वाघोली : प्रमोद हरगुडे मित्र परिवाराच्या वतीने केसनंद मधील १० वी च्या विद्यार्थ्यांसाठी मोफत बस व रिक्षाची सोय करण्यात आली आहे. पेपर पूर्वी सोडणे व पेपर नंतर परत आणले जाणार आहे. आज परीक्षेपूर्वी मुलांना गुलाब पुष्प देवून शुभेच्छा देत रवाना करण्यात आले.

केसनंद मधील मुलांचे परीक्षा केंद्र वाडेबोल्हाई, वाघोली येथे आहे. सर्वच मुलांना परीक्षा केंद्राला जाण्यासाठी त्यांच्या पालकांकडे वाहन नसल्याने प्रमोद हरगुडे मित्र परिवाराने बस व रिक्षाची मोफत सोय करण्याचा निर्णय घेतला. शुक्रवारी सकाळी १५० मुलांना गुलाब पुष्प देवून शुभेच्छा देण्यात आल्या.

यानंतर पाच बसेस व दहा रिक्षाच्या सहाय्याने मुलांना त्यांच्या परीक्षा केंद्रावर रवाना करण्यात आले. या प्रसंगी सरपंच प्रमोद हरगुडे, पांडुरंग हरगुडे, शिवाजी वाबळे,यशवंत हरगुडे, बन्शी जाधव, शरद हरगुडे,अशोक गावडे, शिवाजी शिंदे, अमित येवले, पालक व ग्रामस्थ उपस्थित होते.