ड्युटीच्या कारणावरून महिला पोलिसांमध्ये जुंपली; मुख्यालयातच 'फ्री स्टाईल' हाणामारी

पुणे : सायबर पोलिस ठाण्यातील मारहाणीचा प्रकार ताजा असतानाच सोमवारी (ता.२१) सकाळी शिवाजीनगर येथील पोलिस मुख्यालयात दोन महिला पोलिस कर्मचाऱ्यांमध्ये 'फ्री स्टाईल' हाणामारी झाल्याचा प्रकार घडला. या घटनेची पुणे पोलिस दलात जोरदार चर्चा झाल्याने वरिष्ठांकडून संबंधीत प्रकरण गांभीर्याने लक्ष घातले आहे. 

- Breaking : पुण्यात मोठा शस्त्रसाठा जप्त; ६ जणांना पोलिसांनी ठोकल्या बेड्या!

संबंधीत प्रकरणातील दोन्ही महिला पोलिस पोलिस मुख्यालयात नेमणुकीस आहेत. एक महिला पोलिस नाईक, तर दुसरी पोलिस शिपाई आहे. दोघीही नेहमीप्रमाणे सोमवारी सकाळी मुख्यालयामध्ये उपस्थित होत्या. त्यावेळी ड्युटीच्या कारणावरुन दोघींमध्ये शाब्दीक बाचाबाची झाली. त्यानंतर दोघींनी एकमेकींना शिवीगाळ केल्याने त्याचे पर्यवसन भांडणामध्ये झाले. त्यावेळी पोलिस शिपाई कर्मचाऱ्याने पोलिस नाईक महिलेवर हात उचलला. या घटनेनंतर मोठ्या प्रमाणात आरडाओरडा झाल्याने तेथे बघ्यांची गर्दी जमली. त्यातूनच ही बातमी पोलिस दलात पोचून त्याविषयी जोरदार चर्चा सुरू झाली.

- मृत्यूनंतरही होतेय फरफट; प्रशासनाच्या लहरीपणामुळे अंत्यविधीला लागले सोळा तास​ 

दरम्यान, महिला पोलिस कर्मचाऱ्यांमधील भांडणाचा हा प्रकार मुख्यालयाचे प्रभारी पोलिस उपायुक्त मितेश घट्टे यांच्यापर्यंत पोचला. त्यांनी या प्रकरणाची गांभीर्याने दखल घेऊन खात्याअंतर्गत चौकशी करणार असल्याचे स्पष्ट केले. तसेच या स्वरुपाचे प्रकार खपवून घेतले जाणार नसल्याचा इशाराही दिला आहे. 

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)