शिक्रापूर - ३० तारखेला तळेगाव-न्हावरा रस्त्यावरील अपघातात गंभीर जखमी झालेल्या पारधी समाजाच्या प्रकाश सुनिल काळे (वय-२७) याचा आज पुण्यातील ससून रुग्णालयात उपचारा दरम्यान मृत्यू झाला..मयत प्रकाश याचा दफनविधी करण्याच्या ठिकाणावरुन त्याचे गाव असलेल्या शिवतक्रार म्हाळूंगी (ता. शिरूर) येथे दिवसभर स्थानिकांमध्ये मतभेद झाल्याने मयताचा मृतदेह त्याचे नातेवाईकांनी शिक्रापूर पोलिस स्टेशनमध्ये आणून ठेवला. मात्र पोलिसांच्या मध्यस्थीनंतर स्थानिकांमधील गैरसमज दूर होवून रात्री साडेदहाच्या सुमारास मृतदेह दफन करण्यासाठी नेण्यात आला..याबाबत मयताचे नातेवाईक, आदीवासी पारधी समाजाचे नेते नामदेव जाधव व शिक्रापूर पोलिसांकडून दिलेल्या माहितीनुसार, सदर दफनजागेबद्दल स्थानिक नातेवाईकांमध्ये उलटसुलट गैरसमज झाले होते..या शिवाय काहींनी नियमित दफन विधी ठिकाणाला विरोध केला तर काहींनी नवीन जागा वनखात्याची आणि पारधी वस्तीतील असल्याने इथे दफन करु नये, अशी भूमिका घेतल्याने मयताच्या नातेवाईकांनी मयत प्रकाश काळे याचा मृतदेह पोलिस स्टेशनला आणला..मात्र, शिक्रापूर पोलिस स्टेशनचे सहायक पोलिस निरीक्षक श्री. देशमुख, संदीप कारंडे तसेच अन्य पोलिस कर्मचा-यांनी पुढाकार घेवून जागेचा प्रश्न सोडविल्याने रात्री साडेदहाच्या सुमारास अंत्यविधीसाठी मयताचा मृतदेह शिवतक्रार म्हाळूंगीकडे रवाना केल्याची माहिती श्री नामदेव जाधव व पोलिस सूत्रांनी दिली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
