Ganesh Festival 2025 : आणि रजिया मंजिल मध्ये गणपती आला....

कोथरुड : कर्वेनगरचे रहिवाशी असलेले बाबु उर्फ गुलाम गौस रज्जाक शेख गणेश मंडळाचे बालपणापासून कार्यकर्ते आहेत. आपण दरवर्षी मंडळात गणपती बसवतो. आपल्या घरातही गणपती बसवावा ही बाबुभाईंची इच्छा होती. ४५ वर्षानंतर त्यांची ही इच्छा पूर्ण झाली. त्यामुळे बाबुभाई व त्यांचे कुटूंबीय खुप आनंदात होते..नारायण पेठेतील भोलेनाथ मंडळाचे कार्यकर्ते असलेल्या शेख यांनी अकरावर्षापूर्वी मंडळाचे अध्यक्ष पद देखील भुषविले आहे. बीजली तालीम मंडळाच्या ढोल पथकात शेख आवडीने ढोल, ताशा वाजवायचे. आज कोथरुड, कर्वेनगर मध्ये भरपूर ढोल पथके झाली असली तरी त्याकाळात डेक्कन ते कर्वेनगर भागातील एकमेव ढोलताशा पथक म्हणून बीजली तालीम मंडळाची ओळख होती..बाबु शेख म्हणाले की, मंडळ स्थापन करुन गणपती बसविण्याचे काम गेली ४५ वर्षे मी नियमित करत आहे. आम्ही बांबु आणून मंडप तयार करायचो. लाईटीच्या माळा आणून सजावट करायचो. यातून आमच्या कला कौशल्याला वाव मिळाला. बाप्पाच्या आशिर्वादाने संपूर्ण कुटूंब आनंदात आहे. मंडळात गणपती बसवतो. पण घरात गणपती बसवावा अशी खुप वर्षापासूनची इच्छा होती. परमेश्वराने ती पूर्ण केली. योगायोगाने आमच्या एका मित्राच्या मुलीने आम्हाला संगमरवर मध्ये घडवलेली अतिशय सुंदर अशी गणेशाची मुर्ती दिली. .आमच्या कुटूंबियांनी श्रध्दा आणि भक्तीभावाने गणेश जन्माच्या दिवशी या मुर्तीची घरातील देव्हा-यामध्ये विधीवत होम हवन करुन प्राणप्रतिष्ठा केली आहे. आम्ही साईबाबा, स्वामी समर्थाचे भक्त आहोत. आम्ही गुरुचरित्राचे पारायण देखील केले आहे. आज घरामध्ये दहा दिवसाचा गणपती बसवत आहोत..प्रभुची लेकरे सारी, तयाला सर्व ही प्यारीसमस्ता बंधु मानावे, जगाला प्रेम अर्पावेही सानेगुरुजींची कविता मानवतेची पुरस्कर्ती आहे. आपण सर्व एकाच परमेश्वराची लेकरे आहोत. जनतेच्या मनात परस्पर भेदभावाचे विष कालवून समाजात कलह माजविणे हे परमेश्वराने निर्माण केलेल्या रचनेला धक्का लावण्यासारखेच आहे. असा धर्मद्रोह कोणी करु नये.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.