शिवाजीनगर - व्यायामाची सवय असणाऱ्या आणि गिर्यारोहणाचा सराव करणाऱ्या, आबालवृद्ध पुणेकरांना, सिंहगड कायमच खुणवत असतो. वर्षाच्या सर्व मोसमांमध्ये अनेक पुणेकर नित्यनियमाने, सिंहगडावर जात असतात..अशाच सिंहगडप्रेमीपैकी एक, पुण्यातल्या कर्वेनगर येथील ६३ वर्षाचे गणेश शिंदे यांनी अलीकडेच, सिंहगडावर एक हजारवेळा पायी चढण्याचा विक्रम पूर्ण केला.गणेश शिंदे यांनी, २००६ पासून सिंहगडावर नियमीत जायला सुरवात केली. त्यांचे जेष्ठ सहकारी नंदकुमार मुळीक यांनी दिलेल्या प्रोत्साहनाचा ते विशेष उल्लेख करतात. गजानन गिजरे, प्रदीप उपाध्ये, विनय बापट, विजु राजवाडे, जयंत महाराव या सहकार्यांसोबत त्यांची सिंहगडवारी सातत्याने चालु असते..गणेश शिंदे हे पुण्याच्या रमणबाग मित्र मंडळ या खोखो संघाचे माजी खेळाडु आणि ज्येष्ठ कार्यकर्ते आहेत. या नियमीत व्यायामामुळे उत्तम आरोग्य मिळाल्याचे ते आवर्जून सांगतात. त्यांच्या मातोश्रींचं नुकतचं निधन झालं. शिंदे यांनी त्यांच्या मातोश्री तसेच त्यांचे जुने सहकारी सुभाष गांधी यांना यावेळी श्रद्धांजली वाहीली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
