हडपसरमध्ये पीएमपी आगारासमोरच रिक्षांचा गराडा; अपघाताची शक्‍यता 

हडपसर (पुणे) : हडपसर पीएमपी डेपोतून बेकायदेशीररीत्या खासगी वाहने ये-जा करतात, तसेच खासगी प्रवासी वाहतूक करणा-या रिक्षा आगाराच्या प्रवेशद्वारासमोरच थांबलेल्या असतात. त्यामुळे अपघाताचा धोका संभवतो. वाहतूक पोलिस व पीएमपी विभागाने तातडीने वाहन चालकांवर कारवाई करावी, अशी प्रवाशांची मागणी आहे.

पुण्यातील जम्बो व्हेंटिलेटरवर; ‘लाइफलाइन’ ला ‘पीएमआरडीए’ची नोटीस 

दरम्यान, बेकायदेशीर प्रवासी वाहतूक करणा-यांना जाब विचारल्यास पीएमपीच्या अधिका-यांना अरेरावीची भाषा वापरली जात आहे, कित्येकवेळा दमही भरला जातो. यासंदर्भात पोलिस आयुक्तालयासही पत्र दिले आहे. मात्र, त्यावर कोणत्याही प्रकारची कारवाई होत नसल्याची माहिती अधिका-यांनी दिली. 

पुण्यातील रुग्णांच्या नातेवाइकांनी घेतला धसका 

प्रवासी कविता भावे म्हणाल्या, ""हडपसर पीएमपी आगारातून खासगी वाहने धावतात. त्यामुळे रोजच प्रवाशांचे किरकोळ अपघात होत आहेत. आगार परिसरात 200 मीटरपर्यंत खासगी वाहनांना प्रवेश बंदी असते, मात्र त्याचे पालन होताना दिसत नाही. त्यामुळे प्रवाशांना जीव मुठीत घेऊनच आगारात ये-जा करावी लागते, तसेच खासगी रिक्षा थेट आगाराच्या प्रवेशद्वारा समोरूनच प्रवाशांची चढउतार करतात. त्यामुळे पीएमपीला तोटा सहन करावा लागत आहे.'' 

""आगारातून जाणा-या वाहनांवर कारवाई करण्यासाठी वाहतूक विभागाला पत्र दिले आहे, तसेच आमचे कर्मचारी देखील येथे तैनात करणार आहोत. खासगी वाहनचालकांनी आगारातून वाहने नेऊ नयेत, यासाठी सहकार्य करावे.

- सोमनाथ वाघोले, आगारप्रमुख, हडपसर विभाग