Gauri Ganpati : गणपती पाठोपाठ ज्येष्ठा गौरींचे वाजत गाजत आगमन

जुन्नर - "आली, आली गौराई,सोन्या रुप्याच्या पावलानं... आली आली गौराई धन धान्याच्या पावलांन..! जुन्नर व परिसरात गणपती पाठोपाठ गुरुवार ता.२१ रोजी पारंपरिक पद्धतीने वाजत गाजत ज्येष्ठा गौरीचे उत्साहात आगमन झाले.

लोकल ते ग्लोबल लेटेस्ट अपडेट मिळवा सकाळच्या व्हॉट्सअप चॅनेलवर फक्त एका क्लिकमध्ये

गणपती पाठोपाठ येणारा गौरीपूजन हा महत्वाचा सण महिलांनी घराघरांतून मोठ्या भक्तिभावाने मंगलमय वातावरणात गौराईंचे स्वागत करत साजरा केला.

घरोघरी गौरीचे उत्साहात आगमन झाल्यानंतर सुंदर भरजरी साड्यांनी व दागिन्यांनी साजशृंगार केला. घरोघरी सुंदर आरास करण्यात आली. गौरीला विविध प्रकारच्या पक्वानांचा नैवेद्य दाखविण्यात आला. फराळाचे विविध पदार्थ मांडण्यात आले. या दिवशी महिलांनी हळदी कुंकवाचा कार्यक्रम केला. यावेळी शक्तिचे प्रतीक म्हणून पूजल्या जाणार्‍या या गौरीकडे पावसासाठी प्रार्थना करण्यात आली.