Vidhan Sabaha 2019 : खेडमध्ये गोरे, मोहिते यांचा विजयाचा दावा

Vidhan Sabaha 2019 : चाकण (पुणे) : खेड-आळंदी विधानसभा मतदारसंघातील महायुतीचे उमेदवार सुरेश गोरे यांनी पत्नी मनीषा यांच्या समवेत चाकणला झित्राईमळा येथील मतदान केंद्रात मतदान केले. महाआघाडीचे उमेदवार दिलीप मोहिते त्यांनी पत्नी सुरेखा यांच्या समवेत शेलपिंपळगाव येथील केंद्रावर मतदान केले. दरम्यान दोघांनीही विजयाचा दावा केला.

विधानसभेच्या निवडणुकीत माझा विजय निश्‍चित आहे. तालुक्‍यात पाच वर्षांच्या कालावधीत मी मोठ्या प्रमाणात विकासकामे केली. विकासकामांच्या जोरावर माझा विजय होणार आहे. इतर दोन उमेदवारांना मतदारांनी नाकारले आहे.
- सुरेश गोरे, उमेदवार, महायुती, खेड-आळंदी

या निवडणुकीत मी जिंकणार याचा मला ठाम विश्वास आहे. तालुक्‍याने निष्क्रिय आमदाराच्या विरोधात कौल दिला आहे. हे मला तालुक्‍यात फिरताना दिसले. जनतेत मला निवडून आणण्याची सुप्त लाट आहे.
- दिलीप मोहिते, उमेदवार, महाआघाडी, खेड-आळंदी