Grampanchyat Election Result : पांढरेवाडी ग्रामपंचायतीच्या पंवार्षिक निवडणुकीत नीता राजेंद्र कोंडे १३५० मते मिळून विजयी

कुरकुंभ - दौंड तालुक्यातील पांढरेवाडी ग्रामपंचायतीच्या पंवार्षिक निवडणुकीत जनतेतून सरपंचपदी नीता राजेंद्र कोंडे १३५० मते मिळून विजयी झाल्या. विजयी सरपंच या भाजप आमदार राहुल कुल समर्थक व पंचायत समितीचे माजी उपसभापती राजेंद्र कोंडे यांच्या पत्नी आहेत.

पांढरेवाडी ग्रामपंचायतीचे सरपंचपद अनुसूचित जाती सर्वसाधारणसाठी राखीव होते. सरपंचपदासाठी नीता राजेंद्र कोंडे, प्रवीण चिंतामण गायकवाड व मीना दत्तू सोनवणे यांच्या तिरंगी लढत झाली. त्यामध्ये नीता कोंडे यांना १३५० मते, प्रवीण गायकवाड ४६१ मते तर मीना सोनवणे १२ मते मिळाली. सरपंचपदी नीता कोंडे यांनी ८८९ मतांनी दणदणीत विजय मिळविला. सरपंचपदासाठी नोटाला

२२ मते पडली.

ग्रामपंचायतीच्या निवडणुकीत सदस्यपदी विजयी झालेले उमेदवार पुढीलप्रमाणे प्रभाग एक :वैशाली नवनाथ भागवत, फिरोज अकबर सय्यद. प्रभाग दोन : श्रीकांत जाधव, पूनम राहुल चव्हाण, वैशाली बाळू झगडे. प्रभाग तीन : अनिल तुकाराम झगडे, सुनीता संदीप झगडे, अमर रखमाजी गायकवाड.

प्रभाग चार: राजेंद्र ज्ञानदेव भागवत

श्रद्धा महेंद्र जाधव, विदुलता निंबाळकर.