राज्याचे विरोधी पक्ष नेते अजित पवार यांनी आज पत्रकार परिषद घेतली होती या वेळी त्यांनी पुण्यातील लोकसभेच्या पोटनिवडणुकीवर बोलताना सांगितले की, या पोटनिवडणुकीसाठी महाविकास आघाडीतील प्रमुख नेते एकत्र बसतील आणि त्या जागेवरचा निर्णय घेतील.
एकोप्याने ती जागा लढवण्याचं ठरवतील, पण आत्ताच या विषयावर चर्चा करू नका. आजच मला चंद्रकांत पाटलांचा फोन आला होता ते म्हणाले, ७ तारखेला दिवंगत खासदार गिरीश बापट यांची श्रद्धांजलिची सभा घेतली आहे. त्यासभेला नितीन गडकरी येणार आहेत.
चंद्रकांत पाटलांचं आणि जयंत पाटलांचं फोन वरून बोलणं झालं आहे. ते म्हणाले जयंत पाटील कामानिमित्त बाहेर आहेत. त्यामुळे दोघांपैकी एकाने सभेला यायचं आहे. अशी माहिती अजित पवारांनी दिली.
तर त्यांनी भाजपचे शहर अध्यक्ष जगदीश मुळीक यांना टोला लगावला ते म्हणाल, कोण आत्ताच भावी खासदार असं पोस्टर लावायला लागले. कुठं गुडघ्याला बाशिक बांधू लागला असं अजित पवार म्हणाले.
भाजपचे पुणे शहर अध्यक्ष जगदीश मुळीक यांचा वाढदिवस होता. त्यानिमित्ताने मुळीक यांच्या कार्यकर्त्यांनी त्यांना शुभेच्छा देण्यासाठी पुणे शहरात ठिकठिकाणी लावण्यात आले होते. या बॅनर्सवर मुळीक यांचा उल्लेख भावी खासदार असा उल्लेख करण्यात आला होता.
पुण्यातील भाजप नेते खासदार गिरीश बापट यांचे बुधवारी २९ तारखेला पुण्यात निधन झाले. शहरातील दीनानाथ मंगेशकर रुग्णालयात उपचार सुरू होते. ते ७२ वर्षांचे होते. खासदार गिरीश बापट यांचे निधन झाल्याची माहिती भाजप शहर अध्यक्ष जगदीश मुळीक यांनी दिली. गेल्या काही दिवसांपासून बापट आजारी होते. दरम्यान गिरीष बापट यांच्या पश्चात कुटुंबात एक मुलगा आणि पत्नी आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
