पुणे (हडपसर) : कोव्हिडच्या संभाव्य तीसऱ्या लाटेचा धोका लक्षात घेऊन येथील मगरपट्टा चौकातील महानगरपालिकेच्या कै. अण्णासाहेब मगर रुग्णालयात लहान मुलांसाठी कोव्हिड सेंटर सुरू होत आहे. आवश्यक सर्व सुविधा येथे उपलब्ध करण्यात आल्या असून कोव्हिड बाधीत लहान मुलांवरील उपचारासाठी हे केंद्र सज्ज झाले आहे.
कोव्हिडच्या संभाव्य तीसऱ्या लाटेचा लहान मुलांना अधिक धोका वर्तविण्यात आला आहे. ते लक्षात घेऊन महानगरपालिकेच्या वतीने शहरात विविध सहा ठिकाणी त्यांच्यासाठी सर्व सुविधांनी युक्त कोव्हिड केंद्रे उभारली जात आहेत. त्यापैकी हडपसर येथील अण्णासाहेब मगर रूग्णालयात स्वतंत्र बावन्न बेडचे स्वतंत्र सेंटर उभारण्यात आले आहे. चौदा पंधरा रुममध्ये सुरू होणाऱ्या या सेंटरमध्ये अतिदक्षता विभाग करण्यात आला आहे. त्यासाठी स्वतंत्र ट्रान्सफॉर्मर, जनरेटर, पाणी, ऑक्सिजन प्लांटची व्यवस्था करण्यात आली आहे.
हडपसर-मुंढवा क्षेत्रीय कार्यालयाचे सहाय्यक आयुक्त प्रसाद काटकर म्हणाले, "पोलिसांच्या ताब्यात असलेली रुग्णालयाची इमारत खाली करून त्यासह सध्या सुरू असलेली रुग्णालयाच्या संपूर्ण इमारतीमध्ये लहान मुलांसाठी कोव्हिड सेंटर सुरू होत आहे. तेथील दैनंदिन ओपीडी भोसलेगार्डन येथे हलविण्यात येणार आहे. त्यामुळे संभाव्य तीसऱ्या लाटेला सक्षमपणे सामोरे जाणे शक्य होईल.'
रूग्णालयाचे प्रमुख डॉ. श्याम राठोड म्हणाले, "संभाव्य तीसऱ्या लाटेच्या दृष्टीने या ठिकाणी सुरू होणाऱ्या लहान मुलांच्या कोव्हिड सेंटरमुळे रूग्णांना चांगली सुविधा मिळणार आहे. त्यासाठीची सर्व सुविधा येथे देण्यात आली आहे. सध्या काही किरकोळ कामे वगळता उपचारासाठी आवश्यक सर्व पूर्तता झाली आहे.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
