हाथरसच्या घटनेचा मंचरमध्ये कॉंग्रेसकडून निषेध 

डी. के. वळसे पाटील
Tuesday, 6 October 2020

उत्तर प्रदेशातील हाथरस येथे युवतीवर करण्यात आलेल्या अमानुष अत्याचार प्रकरणी उत्तर प्रदेश सरकार व कृषी विधेयक लागू केल्याबद्दल केंद्र सरकारचा निषेध मंचर प्रांत कार्यालयासमोर आंबेगाव तालुका कॉंग्रेस पक्षाच्या वतीने करण्यात आला. 

मंचर (पुणे) : उत्तर प्रदेशातील हाथरस येथे युवतीवर करण्यात आलेल्या अमानुष अत्याचार प्रकरणी उत्तर प्रदेश सरकार व कृषी विधेयक लागू केल्याबद्दल केंद्र सरकारचा निषेध मंचर प्रांत कार्यालयासमोर आंबेगाव तालुका कॉंग्रेस पक्षाच्या वतीने करण्यात आला. 
यावेळी मुख्यमंत्री योगी आदित्यनाथ, पंतप्रधान नरेंद मोदी व केंद्र सरकारच्या विरोधात घोषणाबाजी करण्यात आली. आंबेगाव तालुका कॉंग्रेस पक्षाचे अध्यक्ष राजू इनामदार, पुणे जिल्हा कॉंग्रेस पक्षाचे सरचिटणीस अल्लू इनामदार व माजी सरपंच कैलास गांजाळे यांच्या नेतृत्वाखाली निदर्शने करण्यात आली. 

विद्यार्थ्यांसाठी अत्यंत महत्त्वाची बातमी; अंतिम वर्ष परीक्षेचं वेळापत्रक झालं जाहीर!

अॅड. शुभांगी पोटे, उमेश पांचाळ, महिला अध्यक्ष अर्चना चिखले, ऍड. ताबिश इनामदार आदी आंदोलनात सहभागी झाले होते. राजू इनामदार व अॅड. पोटे यांचे भाषण झाले. कोविड आढावा बैठक सुरू असताना राज्याचे कामगार मंत्री दिलीप वळसे पाटील, प्रांत सारंग कोडलकर व तहसीलदार रमा जोशी यांना मागण्यांचे निवेदन देण्यात आले. 

तर एक नोव्हेंबरपासून मराठा समाज रस्त्यावर उतरेल; विनायक मेटे यांचा इशारा

कॉंग्रेस पक्षाचे माजी अध्यक्ष राहुल गांधी व प्रियांका गांधी यांच्याबरोबर असभ्य वर्तन करणारे पोलिस अधिकारी व त्यांना पाठीशी घालणारे जिल्हाधिकारी यांना निलंबित करून त्यांच्या विरोधात गुन्हे दाखल करावेत. 
राजू इनामदार, अध्यक्ष, कॉंग्रेस पक्ष आंबेगाव तालुका. 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Hathras incident protested by Congress in Manchar