Pune Rain: पुण्याच्या राजगड तालुक्यात वादळी वाऱ्यासह मुसळधार पाऊस, दुर्गम भागात ओढ्यांना पूर

पुण्याच्या राजगड तालुक्यात वादळी वाऱ्यासह मुसळधार पाऊस झाला आहे. या पावसाने दुर्गम भागात ओढ्यांना पूर आला आहे. पाबेगावातील नाल्याच्या पुलावरून पाणी वाहत आहेत. तर वादशी वाऱ्यामुळे नुसकान देखील झाले आहे. गावातील अंगणवाडीचे पत्रे उडाले आहेत.

तर दुसरीकडे राज्यातील सहा जिल्ह्यांना उष्णतेच्या लाटेचा इशारा देण्यात आला आहे. पुणे,जळगाव, नंदुरबार,नाशिक, धुळे या जिल्ह्यांचा सहभाग आहे. (Pune Rain Update)

तसेच बंगालच्या उपसागरावर कमी दाबाचे क्षेत्र तयार होत आहे. शुक्रवारपर्यंत त्याचे चक्रीवादळात रूपांतर होण्याची शक्यता आहे. त्यामुळे ओडिशा, उत्तर तामिळनाडू आणि दक्षिण आंध्र प्रदेशातील उत्तर जिल्ह्यांमध्ये मध्यम ते जोरदार पाऊस पडू शकतो. याशिवाय पश्चिम बंगाल, मिझोरम आणि त्रिपुरामध्येही पावसाची शक्यता आहे. हवामान खात्याने बुधवारी या संदर्भात माहिती दिली.