आळंदीकर म्हणतायेत, पालिका मूर्ती दानाचा अट्टहास नेमका कशासाठी करतीये?

आळंदी (पुणे) :  इंद्रायणी नदीपात्रात गणेश मूर्ती विसर्जनास बंदीचा आदेश पालिकेने नागरिकांसाठी केला. स्वतः मात्र तीन वर्षांपासूनच्या दानातील मूर्ती शुक्रवारी जेसीबीच्या साहाय्याने थेट इंद्रायणी नदी पात्रात लोटून दिल्या. नियम हा दुसऱ्यासाठी असतो, स्वतःसाठी नाही, हेच पालिकेने दाखवून दिले. 

अन् अजित पवारांसमोरच फडणवीस म्हणतात, माझा आवाज...

आळंदीकरांनी गेली पाच वर्षे मूर्तीदानास प्रतिसाद दिला. मात्र, गणेशभक्तांनी मूर्ती दान केल्यावर त्यांची काळजी ठेकेदारांकडून घेतली नाही. मुख्याधिकारी समीर भुमकर यांच्या काळात जमा केलेल्या मूर्ती तीन वर्षांपासून पालिकेच्या शाळेत पडून होत्या. तुटलेल्या अवस्थेतील आणि अडगळीतील मूर्तींचा प्रश्न नागरिक वेळोवेळी उपस्थित करत. मात्र, मुख्याधिकारी भुमकर आणि नगरसेवकांनी सोईस्कर दुर्लक्ष केले.

... अन् मालकाच्या प्रेमापोटी बैलाने गिळलेले सोने केले परत

आता पुन्हा मूर्तीदानाचे आवाहन केले आणि नदीपात्रात विसर्जनास बंदी केली. मात्र, प्रशासनाकडून पर्यायी सोय नसल्याने आळंदीकरांनी निवेदनाद्वारे पालिकेच्या भोंगळ कारभारावर नाराजी व्यक्ती केली. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

मूर्तीबाबत आळंदीकरांनी बैठक घेऊन मागणी केली होती. पालिकेने तत्काळ कार्यवाही केली. भंगलेल्या मूर्तींची ट्रॅक्‍टरने वाहतूक केली. 
- वैजयंता उमरगेकर, नगराध्यक्ष, आळंदी