‘पुणे डिझाइन फेस्टिव्हल’चे यंदा १४ वे वर्ष आहे. ‘लेक्‍सस’प्रस्तुत आणि पॉवर्ड बाय ‘पर्ल ॲकॅडमी’ने आयोजिलेल्या या फेस्टिव्हलसाठी ‘सकाळ’ माध्यम प्रायोजक आहे. पुण्यातील हयात रिजन्सीमध्ये शुक्रवार (ता. १०) आणि शनिवारी (ता. ११) हा फेस्टिव्हल होणार आहे. यामध्ये सहभागी होणाऱ्या अर्थ टू ऑरबिट कंपनीच्या मुख्य कार्यकारी अधिकारी डॉ. सुश्‍मिता मोहंती यांनी व्यक्त केलेल्या भावना...
पुणे डिझाइन फेस्टिव्हलमध्ये देशभरातून सहभागी होणाऱ्या डिझायनर्सशी संवाद साधण्यासाठी मी उत्सुक आहे. यंदाच्या महोत्सवात मी एक व्याख्याती म्हणून भाग घेत आहे. मला आशा आहे, की माझ्या व्याख्यानातून अंतराळ विज्ञानाबद्दल उपस्थितांना नवीन दृष्टिकोन मिळेल आणि त्यांना एका पूर्णतः अनोळखी अशा जगाची ओळख होईल. पृथ्वीबाहेरील वातावरणाशी जुळवून घेण्यासाठी आवश्‍यक उपकरणे बनवताना डिझाइनचेही महत्त्व असते, हे त्यांना माहिती होईल.
मी स्पेस हॅबिटॅट्‌स, रोव्हर्स, स्पेस सुट्‌स, ग्रीनहाउसेस, सिम्युलेटर्स इत्यादी उपकरणांचे डिझाइन करते. डिझाइन क्षेत्रात मी जे काम करते, त्यावरून मी सांगू शकते, की पृथ्वीबाहेरील वातावरणात तगून राहण्यासाठी आवश्‍यक वातावरण निर्माण करताना मानवी सुरक्षेच्या महत्त्वाच्या मुद्द्यांचा विचार या प्रकारच्या डिझाइनमध्ये करण्यात येतो. अंतराळवीरांचे शारीरिक आणि मानसिक मनोधैर्य उंचावण्यातही डिझाइनचे विशेष महत्त्व आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.