Baramati News: बारामतीतील काऱ्हाटीमध्ये सुनेत्रा पवारांच्या बॅनरवर शाईफेकीचा प्रकार; पोलिसांकडून तपास सुरू

बारामती- तालुक्यातील काऱ्हाटीमध्ये लावलेल्या सुनेत्रा पवार यांच्या बॅनरवर अज्ञातांनी शाईफेक केल्याची घटना आज समोर आली. काल रात्री अज्ञातांनी ही शाईफेक केली असावी असा पोलिसांचा प्राथमिक अंदाज असल्याची माहिती अतिरिक्त पोलिस अधीक्षक संजय जाधव यांनी दिली. (Latest Marathi News)

भावी खासदार अशा आशयाचा एक बॅनर का-हाटी या गावात लावण्यात आला होता. या बॅनरवर अज्ञात व्यक्तीने शाई टाकली. ही बाब ग्रामस्थांच्या निदर्शनास आल्यानंतर त्यांनी पोलिसांना या बाबत माहिती दिली. त्या नंतर ग्रामस्थांच्याच मदतीने पोलिसांनी हा बॅनर खाली उतरविल्याचे संजय जाधव यांनी नमूद केले.

दरम्यान हा नेमका प्रकार कशातून घडला असावा, याचा पोलिस शोधन घेत आहेत. आगामी लोकसभा निवडणूकीत सुनेत्रा पवार या राष्ट्रवादीच्या संभाव्य उमेदवार असू शकतात. त्या मुळे कोणी राजकीय आकसापोटी हे कृत्य केले असावे या बाबत पोलिसांनी माहिती घेण्यास प्रारंभ केला असल्याचे पोलिसांनी सांगितले. (Marathi Tajya Batmya)