पिंपरी : नाकाबंदीच्या ठिकाणी हजर होण्यास सांगितल्याच्या कारणावरून पोलिस हवालदाराला पोलिस शिपायाने लोखंडी गजाने मारहाण केली. ही घटना दापोडीतील हॅरिस ब्रिज येथे घडली.
किसन विठोबा गराडे (वय ५२) असे मारहाण झालेल्या पोलिस हवालदाराचे नाव आहे. याप्रकरणी त्यांनी भोसरी पोलिस ठाण्यात फिर्याद दिली आहे. त्यानुसार पोलिस शिपाई सुरज जालिंदर पोवार याच्यावर गुन्हा दाखल झाला आहे.
कोरोनाच्या पार्श्वभूमीवर जुन्या पुणे-मुंबई महामार्गावर दापोडी येथील हॅरिस ब्रिजवर नाकाबंदी लावण्यात आली आहे. पोलिस हवालदार गराडे हे वाकड पोलीस ठाण्यात तर पोलिस शिपाई पोवार भोसरी वाहतूक विभागात कार्यरत आहेत. गुरुवारी (ता.२२) दोघांची ड्युटी नाकाबंदी पॉईंटवर लावण्यात आली होती.
दरम्यान, गुरुवारी रात्री साडेदहाच्या सुमारास नाकाबंदीच्या ठिकाणी हजर राहण्यासाठी फिर्यादी गराडे यांनी आरोपी पोवार याला फोनवर सांगितले. त्यावरून 'तू मला कोण सांगणारा’ असे बोलून पोवार याने गराडे यांना गजाने मारले. यात हवालदार गराडे जखमी झाले. भोसरी पोलीस अधिक तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
