जुन्नरमधील कोरोनाबाधितांच्या संख्येत आज झालीये एवढी वाढ

जुन्नर (पुणे) : जुन्नर तालुक्यातील कोरोना पॉझिटिव्ह रुग्णांमध्ये आज (ता. २७) नव्याने पाच जणांची वाढ झाली असल्याने तालुक्याची चिंता वाढली आहे.

जुन्नर तालुक्यातील पारुंडे व आंबेगव्हाण येथे प्रत्येकी दोन, तर मांजरवाडी येथे एक नवीन पॉझिटिव्ह रुग्णांमुळे तालुक्यातील कोरोनाबधितांची संख्या सोळा झाली आहे. यातील डिंगोरे येथील एक रुग्ण बरा झाला आहे,  अशी माहिती तहसीलदार हनुमंत कोळेकर व निवासी नायब तहसीलदार सचिन मुंढे यांनी दिली.

- शाळा सुरु झाल्यावर मुलांचे कसे होणार? पालकांनो, चिंता करु नका कारण...

जांभूळपट- धोलवड, सावरगाव, खिलारवाडी, मांजरवाडी, पारूंडे व आंबेगव्हाण ही गावे प्रतिबंधित क्षेत्र म्हणून जाहीर केली असून, येथे नाकाबंदी करण्यात आली आहे. येथील नागरिकांना फिरण्यास सक्त मनाई करण्यात आली असून, देखरेख पथके या गावांवर लक्ष ठेऊन आहेत.

- Video : चांदणी चौक येथे अॅसिड गळती; नागरिकांना डोळे चुरचुरण्याचा झाला त्रास!

संशयित रुग्णांची लेण्याद्री येथील कोविड केंद्रात हाय रिस्क व लो रिस्क अशी वर्गवारी करण्यात येत आहे. येथे रुग्णांचे स्वब तपासणीसाठी घेण्यात येत असल्याने आता रुग्णांना स्वॅब तपासणीसाठी पुणे येथे जाण्याची गरज राहिली नाही, असेही त्यांनी सांगितले.

नागरिकांनी मास्क वापरावा, सॅनिटायझरचा वापर करावा, वारंवार हात साबणाने धुवावेत, सोशल डिस्टन्स पाळावे, कामाशिवाय सार्वजनिक ठिकाणी जाऊ नये, शक्यतो घरातच थांबावे, असे आवाहन प्रशासनाने केले आहे.