पुण्यात कोरोनाच्या वाढत्या रुग्णामुळे मास्कची कारवाई होणार अधिक कडक | Sakal
sakal

बोलून बातमी शोधा

Crime on without mask people
पुण्यात कोरोनाच्या वाढत्या रुग्णामुळे मास्कची कारवाई होणार अधिक कडक

पुण्यात कोरोनाच्या वाढत्या रुग्णामुळे मास्कची कारवाई होणार अधिक कडक

पुणे - शहरात कोरोना रुग्णसंख्या (Corona Patients) मंगळवारी अचानक वाढल्यामुळे पोलिस (Police) प्रशासनही सतर्क (Alert) झाले आहे. आत्तापर्यंत संथपणे सुरु असलेली पोलिसांची मास्कची (Mask) कारवाई (Crime) बुधवारपासून (Wednesday) पुन्हा एकदा वेगात सुरु होणार आहे. "नागरिकांनी सार्वजनिक ठिकाणी मास्कचा वापर करावा, कोरोनासंबंधी नियमांचे पालन करावे, कारवाई करण्याची वेळ येउ देऊ नये" असा इशारा पोलिस सहआयुक्त डॉ. रविंद्र शिसवे यांनी दिला आहे.

शहरातील कोरोना रुग्ण संख्या मंगळवारी वाढली. त्यामुळे आरोग्य व्यवस्था व पोलिस प्रशासनही सतर्क झाले आहे. त्यामुळे पुणे पोलिसांकडुन मास्कची कारवाई वेगाने सुरु होण्याची शक्यता व्यक्त केली जात होती. त्यानुसार, हि कारवाई होणार असल्याचे पोलिसांनी स्पष्ट केले.

हेही वाचा: लग्नाचे आमिष दाखवून वकील महिलेवर अत्याचार

पोलिस सहआयुक्त डॉ.शिसवे म्हणाले, "मागील आठ दिवसात शहरात कोरोना रुग्णाची संख्या 80 वरुन अकराशेच्यावर गेली आहे, त्यामुळे सर्व नागरीकांनी संभाव्य सकंटाचा बोध घेण्याची गरज आहे. पुणेकरांनी कोरोना प्रतिबंधात्मक उपाय म्हणून सार्वजनिक ठिकाणी मास्कचा वापर करावा. सार्वजनिक ठिकाणी एकमेकांमध्ये अंतर ठेवून वावरणे आणि हात स्वच्छ धुणे या त्रिसूत्रीचे पालन करावे"

नागरिकांनी सार्वजनिक ठिकाणी मास्कचा वापर केलाच पाहिजे, मास्क न घालऱ्यांवर कडक कारवाई केली जाईल. बुधवारपासून मास्कची कारवाई कडक केली जाईल, त्यादृष्टिने नागरिकांनी योग्य काळजी घ्यावी, असा इशाराही डॉ.शिसवे यांनी दिला आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top