लग्नाचे आमिष दाखवून वकील महिलेवर अत्याचार

पुणे - विवाह नोंदणी संकेतस्थळावरुन झालेल्या ओळखीनंतर महिला वकिलास (Lawyer) लग्नाचे आमिष दाखवून एका पोलिस कर्मचाऱ्याने (Police Employee) तिच्याशी शारीरिक संबंध (Physical Relation) ठेवून लैंगिक अत्याचार (Sexual Harassment) केला. याप्रकरणी चतुःशृंगी पोलिस ठाण्यात ग्रामीण पोलिस दलातील एका पोलिस कर्मचाऱ्याविरुद्ध गुन्हा (Crime) दाखल करण्यात आला आहे.

लक्ष्मण गंगाधर राऊत (वय ३३, रा. पत्रा चाळ, पाषाण, मुळ रा. लोणी काळभोर) असे गुन्हा दाखल झालेल्या पोलिस कर्मचाऱ्याचे नाव आहे. याप्रकरणी २९ वर्षीय महिला वकिलाने चतुःशृंगी पोलिस ठाण्यात फिर्याद दिली आहे. पोलिसांनी दिलेल्या माहितीनुसार, राऊत हा पुणे ग्रामीण पोलिस दलाच्या दहशतवाद विरोधी पथकामध्ये (एटीएस) कार्यरत आहे. दोघांनी २०२० मध्ये एका विवाह नोंदणी संकेतस्थळावर दोघांची ओळख झाली होती. त्यानंतर राऊत याने फिर्यादी सोबत मोबाईलद्वारे संवाद साधण्यास सुरवात केली व फिर्यादीस लग्नाचे आमिष दाखवून देहूरोड, पिंपळे निलख येथे नेऊन शारीरिक संबंध ठेवले.