लोणीच्या शाळेसाठी बालन फौंडेशन देणार दोन कोटी

पारगाव (पुणे) : ""इंद्राणी बालन फौंडेशनच्या वतीने लोणी परिसरात दहा एकर जागेची उपलब्धता झाल्यानंतर सर्व प्रकारच्या खेळांसाठी सुसज्ज स्पोटर्स अॅकॅडमी उभारण्यात येईल. त्या माध्यमातून ग्रामीण भागातील मुलांच्या कलागुणांना वाव मिळेल लोणी गावाचा नावलौकिक राज्यात नव्हे संपूर्ण देशात वाढविण्यासाठी ग्रामस्थांच्या सहकार्याने प्रयत्न केला जाईल, अशी माहिती इंद्राणी बालन फौंडेशनचे अध्यक्ष उद्योजक पुनीत बालन यांनी दिली.'' 

हे वाचा - अकरावी अॅडमिशन: दीड महिन्यांपासून रखडलेली प्रक्रिया तत्काळ चालू करा; अभाविपचं आंदोलन

लोणी (ता. आंबेगाव)  येथील भैरवनाथ विद्याधाम प्रशालेच्या प्रांगणात माजी विद्यार्थी विकास प्रबोधिनीच्या वतीने बांधण्यात येणाऱ्या शाळेच्या इमारतीच्या दुसऱ्या व तिसऱ्या मजल्याच्या कामासाठी इंद्राणी बालन फौंडेशनच्या वतीने सुमारे दोन कोटी रुपये खर्च करण्यात येणार आहे. त्या कामाचे भूमीपूजन व स्पर्धा परीक्षा मार्गदर्शन केंद्राचे उद्घाटन पुनीत बालन व आर. एम. धारिवाल फौंडेशनच्या अध्यक्षा जान्हवी धारिवाल यांच्या हस्ते झाले. यावेळी बालन बोलत होते. 

- पुण्याच्या बातम्या वाचण्यासाठी येथे ► क्लिक करा

याप्रसंगी गृहविभागाचे उपसचिव कैलास गायकवाड, प्रबोधिनीचे अध्यक्ष उदयसिंह वाळूंज, इंद्राणी बालन फौंडेशनचे सदस्य चेतन लोखंडे, प्रबोधिनीचे खजिनदार बाळासाहेब गायकवाड, वस्तू व सेवाकर उपायुक्त अरिफ मुलाणी, सेवानिवृत्त कृषी उपसंचालक प्रकाश सोनवणे, उपविभागीय पोलिस अधिकारी अनिल लांबहाते, पोलिस निरीक्षक कृष्णदेव खराडे, संतोष पडवळ, उपसरपंच राणी गायकवाड, पोलिस पाटील संदीप आढाव, प्राचार्य गोरक्षनाथ दळवी, सावळेराम नाईक, दिलीप वाळूंज, सोमनाथ कदम, उद्योजक राजेश वाळूंज, ग्रंथमित्र रमेश सुतार, अशोक आदक पाटील, सुरेश वाळूंज, पांडुरंग वाळूंज, संजय सिनलकर, प्रकाश वाळूंज उपस्थित होते. 

- यंदा नवरात्रीत वाहन खरेदी घटली, पण चारचाकीची विक्री 'टॉप गिअर'मध्ये!​

पुनीत बालन म्हणाले, ""सामाजिक कामात कधीही राजकारण येता कामा नये. इंद्राणी बालन फौंडेशनच्या माध्यमातून सातारा जिल्हा परिसरात सहा हजार गरजू विद्यार्थिनींना सायकलचे वाटप केले आहे. तेवढ्याच संख्येने शाळांना संगणक वाटप केले आहे. 1084 शाळांत पुस्तकपेढी स्थापन केली आहे. लॉकडाऊनच्या काळात पोलिस, आरोग्य कर्मचारी, वर्तमान पत्र वितरक त्याचबरोबर हजारो गरजू कुटुंबांना अन्नधान्य किटचे वाटप केले आहे. शाळेच्या इमारतीचे काम वर्षभरात पूर्ण केले जाईल. मी शहरात राहतो पण काम ग्रामीण भागात करतो. खेड्यांच्या विकासासाठी झटतो याचा अर्थ मी मागच्या जन्मी शेतकरी कुटुंबात जन्मलो असेल.'' 
जान्हवी धारिवाल म्हणाल्या, ""इमारतीचे काम पूर्ण झाल्यानंतर परिसरात 10 हजार वृक्षांची लागवड करण्यात येईल.'' 

- पुणे : उद्यानांबाबत महापौर मोहोळ यांचा मोठा निर्णय; वाचा काय म्हणाले महापौर​

कैलास गायकवाड म्हणाले, ""माजी विद्यार्थी विकास प्रबोधिनीच्या वतीने परिसरातील नागरिकांच्या सहकार्यातून एक कोटी रुपये खर्च करून पहिल्या मजल्याचे काम पूर्ण केले आहे. आर्थिक कमतरता भासू लागल्यानंतर चेतन लोखंडे यांच्या माध्यमातून पुनीत बालन यांची भेट झाली आणि त्यानंतर इमारतीच्या दुसऱ्या व तिसऱ्या मजल्याचे काम मार्गी लागले.'' प्रास्ताविक मयूर लोखंडे यांनी केले. 

- पुण्याच्या बातम्या वाचण्यासाठी येथे ► क्लिक करा

पुणे शहराचे सहाय्यक पोलिस आयुक्त गजानन टोम्पे, सरपंच ऊर्मिला धुमाळ, माजी सरपंच उद्धवराव लंके यांनी मनोगत व्यक्त केले. या कार्यक्रमात शाळेच्या प्रस्तावित प्रतिकृतीचे अनावरण करण्यात आले. पहिल्या टप्प्यासाठी दहा लाख रुपयांचा धनादेश प्रबोधिनीकडे सुपूर्द करण्यात आला. तसेच सामाजिक कार्यकर्ते तानाजी राजगुडे यांनी शाळेसाठी एक लाख रुपयांचा धनादेश यावेळी दिला. सूत्रसंचालन डॉ. अविनाश वाळूंज यांनी केले.