कामशेत : उकसान पठारावरील मेंढीमाळात महावितरणच्या विजेचा शाॅक बसून शिरदे ता.मावळ येथील एका विद्यार्थ्याचा (Students) व एक तरूणांचा जागीच मृत्यू (Death) झाला. अविनाश खेमाजी बगाड (वय१६ ) रा.शिरदे व रविंद्र सिताराम बगाड (वय २३) रा.शिरदे असे मृत्यू मुखी पडलेल्या दोघांची नावे आहेत.लहू भरत बगाड रा.शिरदे यांनी पोलिसांत खबर दिली.
मिळालेल्या माहितीनुसार,"लहू बगाड,जयदास बगाड,समीर बगाड,अजय बजाड,साईनाथ बगाड , अविनाश बगाड, रविंद्र बगाड असे सात जण ता.४ला रात्री बैल शोधायला उकसान पठार मेढीमाळावर गेले असता, विजेचा करंट लागून दोघांचा दुर्देवी मृत्यू झाला.
अविनाशच्या मागे आई,वडील, लहान भाऊ असा परिवार आहे.तो वडेश्वरच्या शासकीय आश्रम शाळेत दहावीत शिकत होता. रविंद्रच्या मागे आई, वडील, भाऊ असा परिवार आहे.
या दोघांना विजेचा धक्का बसला ही माहिती मिळताच शिरदे ग्रामस्थांनी रात्रीच्या अंधारात सह्याद्रीच्या पठारावरील मेंढीमाळ गाठला. दोघांच्या मृत्यूने गावात हळहळ व्यक्त होत आहे. दोघांच्या आई वडीलांनी फोडलेला हंबरडा उपस्थितांच्या काळजाचा ठाव घेत होते. कामशेत पोलीसांनी घटनास्थळी भेट देऊन मृतदेह शवविच्छेदनासाठी तळेगाव दाभाडे येथील प्राथमिक आरोग्य केंद्रात दाखल केले.
आमदार सुनिल शेळके यांनी भेट देऊन चौकशी करून संबंधिताना आधार दिला.या बाबत पुढील तपास कामशेत पोलीस करीत आहेत. सरपंच सुशीला बगाड म्हणाल्या," विजेचा धक्का बसून दोन जणांचा मृत्यू झाला ही अत्यंत दुर्देवी घटना आहे.या कुटूंब व गावक-यांवर दु:खाचा कोसळला आहे. याची चौकशी करण्यात यावी अशी आमची मागणी आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
