मुसळधार पावसामुळे थोरांदळे येथील पाझर तलाव फुटला अन्...

निरगुडसर : थोरांदळे (ता. आंबेगाव) येथील उपळीमळा येथील ओढयावरील पाझर तलाव मुसळधार पावसामुळे फुटला असल्याने अडवुन राहणारे पाणी वाहुन जात आहे. त्यामुळे परीसरातील २०० एकर क्षेञाला या वाहून जाणा-या पाण्याचा तोटा सहन करावा लागणार आहे.

- पुण्याच्या बातम्या वाचण्यासाठी येथे ► क्लिक करा

दरम्यान, त्यामुळे दुरुस्ती करावी तर कायमस्वरुपी याठिकाणी सिमेंटचा बंधारा उभारण्याची मागणी शेतक-यांनी केली आहे. थोरांदळे येथील उपळीमळ्यातील ओढयाचे खोलीकरण करण्यात आले होते. त्यामुळे पावसामुळे साचणा-या पाण्याचा लाभ परीसरातील दीड किमी अंतरावरील २०० एकरमधील शेतीला होत आहे.

या पाण्यामुळे विहीर व विंधनविहीरीत पाणी पातळी टिकून राहत असल्याने सभोवतालचा दीड किमी परीसर हिरवागार झाला आहे.सततच्या होणा-या पावसामुळे बंधारा पाण्याने तुटुंब भरला असुन तो फुटला आहे,सिमेंटचे पाईपही वाहुन गेले आहे त्यामुळे पाणीसाठयावर त्याचा परीणाम झाला आहे.

मराठा आरक्षणावरून शासनाचाच 'गोंधळात गोंधळ'; सुधारित आदेश काढल्याने विद्यार्थ्यांना मिळाला दिलासा

परीसरातील नागरीकांनी या बंधा-याच्या दुरुस्तीची मागणी करत याठिकाणी कायमस्वरुपी उपाययोजना म्हणुन सिमेंटचा बंधारा बांधावा अशी मागणी डॅा. दत्ता विश्वासराव, साईनाथ टेमगिरे, देवराम पोखरकर यांनी केली आहे.