आत्महत्येसाठी नदीत उडी मारलेल्या महिलेला पुराच्या पाण्यामुळे जीवदान 

भोर (पुणे) : पाण्यामुळे माणसांचा जीव जातो, परंतु नीरा नदीतील वाहत्या पाण्यामुळे एका महिलेला जीवदान मिळाल्याची घटना गुरुवारी (ता. ६) सकाळी भोर शहरात घडली. 

न्यायालयात केवळ तत्काळ प्रकरणांवर सुनवाई

गुरुवारी सकाळी नऊच्या दरम्यान शहराच्या एसटी स्टँडजवळील प्रवेशव्दाराच्या पुलावरून एका महिलेने नीरा नदीत उडी मारली. परंतु, दोन दिवसांपासून सुरु असलेल्या मुसळधार पावसामळे नदीमधील पाणी जोरात वाहत आहे. त्यामुळे ती महिला पाण्यात पडल्याबरोबर पाण्यासोबत वाहून जाऊ लागली. पुलाच्या भिंतीला धडकून ती महिला बाजूच्या झुडूपात अडकली. तिच्या हातात झुडूपाची एक फांदी आली. तीने ती धरून ठेवली. 

प्रत्येक बारामतीकराची आजपासून होणार तयारी

या ठिकाणी सकाळी- सकाळी रहदारी असल्याने ही गोष्ट नागरिकांच्या लगेच लक्षात आली. तोपर्यंत दत्ता कुऱ्हाडे व आकाश भोसले यांनी नदीत उड्या मारल्या आणि त्या महिलेला वाचविण्यासाठी वाहत्या पाण्यात गेले. तोपर्यंत सह्याद्री रेस्क्यू फोर्सचे सचिन देशमुख हे दोर व इतर साहित्यासह घटनास्थळी हजर झाले. त्यांनी दोराच्या मदतीने महिलेस सुखरुप बाहेर काढले. तोपर्यंत बघ्यांची गर्दी जमली होती. अर्ध्या तासानंतर बाहेर आल्यावर संबंधित महिलेने स्वतःहून पाण्यात उडी मारल्याचे सांगितले आणि पायीच घरी चालत गेली. काही वेळानंतर ती दवाखान्यामध्ये उपचारासाठी गेली. 

पुण्याच्या इतर बातम्या वाचण्यासाठी येथे क्लिक करा

दरम्यान, तीन दिवसांपूर्वी नीरा नदी कोरडी होती. परंतु, मागील दोन दिवसांपासून तालुक्यात मुसळधार पाऊस सुरु असल्यामुळे नदी दुथडी भरून वाहू लागली आहे. दोन दिवसांपूर्वी ही घटना घडली असती, तर कदाचित महिलेला आपला जीव गमवावा लागला असता. कारण, सुमारे दीडशे फूट उंचीवरून नदीतील खडकावर पडल्यावर जिवंत राहणे अशक्य आहे. संबंधित महिला कोण आहे आणि तिने नदीत उडी मारून आत्महत्येचा प्रयत्न का केला? हे प्रश्न अनुत्तरीतच आहेत. याबाबत पोलिस ठाण्यात कोणतीही तक्रार किंवा खबर दाखल झाली नाही. परंतु, भोर शहरात मात्र दिवसभर वाहत्या पाण्यामुळे महिला वाचल्याची चर्चा सुरू आहे.