Code of Conduct : पुणे शहरात फ्लेक्सवर कारवाई सुरू

लोकसभा निवडणुकीचा आचारसंहिता जाहीर झाल्यानंतर महापालिका प्रशासनातर्फे राजकीय फ्लेक्स, पक्षाचे झेंडे हे काढून टाकण्याची कारवाई सुरू झाली आहे.
Crime on Digital banners
Crime on Digital bannersesakal

पुणे - लोकसभा निवडणुकीचा आचारसंहिता जाहीर झाल्यानंतर महापालिका प्रशासनातर्फे राजकीय फ्लेक्स, पक्षाचे झेंडे हे काढून टाकण्याची कारवाई सुरू झाली आहे. उद्या (ता. १७) सायंकाळपर्यंत ही कारवाई पूर्ण केली जाईल असे महापालिका प्रशासनातर्फे सांगण्यात आले आहे.

पुणे शहरात चौकाचौकात, प्रमुख रस्त्यांवर राजकीय पदाधिकारी, इच्छुक उमेदवार यांचे फ्लेक्स लागलेले आहेत. त्यामधून प्रचार केला जात आहे. लोकसभा निवडणुकीची आचारसंहिता लागू झाल्यानंतर कारवाई करण्यासाठी निवडणूक आयोगाच्या सूचनेनुसार १५ क्षेत्रीय कार्यालयाच्या स्तरावर पथक स्थापन करण्यात आले आहेत.

शनिवारी महापालिकेचे कामकाज बंद असल्याने हे कर्मचारी सुट्टीवर होते. त्यामुळे अधिकाऱ्यांनी या कर्मचाऱ्यांना बोलावून घेऊन त्यांची जबाबदारी असलेल्या भागात कारवाई सुरु केली आहे. यामध्ये सर्व पेठा, कोथरूड, बाणेर बालेवाडी, बालाजीनगर, कात्रज, धनकवडी, बिबवेवाडी, हडपसर, संपूर्ण नगर रस्ता आदी भागात कारवाई सुरु झाली आहे.

‘आचारसंहिता सुरु झाल्याने राजकीय पदाधिकारी, इच्छुक उमेदवारांसह अन्य व्यक्ती, संस्थांचे फेक्स, बॅनर, बोर्ड काढून टाकण्यात सुरुवात झाली आहे. रविवारी सायंकाळपर्यंत ही कारवाई पूर्ण होईल. आचारसंहितेच्या काळात आयोगाची परवानगी न घेता फ्लेक्स, बॅनर लावल्यास संबंधितांवर कारवाई केली जाईल.’

- संतोष वारुळे, उपायुक्त

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com