पुणे : दीर्घकाळ सेवेत असूनही राज्यातील वरिष्ठ महाविद्यालयांतील एम.फिल. झालेल्या प्राध्यापकांना या अर्हतेचा लाभ २५ वर्षांपासून मिळत नव्हता. परंतु, आता विद्यापीठ अनुदान आयोगाने एम.फिल. पात्रताधारक प्राध्यापकांना त्या अर्हतेचा लाभ देण्याचा प्रश्न निकाला काढला आहे. त्यानुसार, राज्यातील एक हजार ४२१ प्राध्यापकांना एम.फिल. अर्हतेच्या तारखेपासून नेट/सेट परीक्षेतून सूट देण्यास आयोगाने मान्यता दिली आहे.
