मार्केट यार्ड : पुणे कृषी उत्पन्न बाजार समितीच्या सचिवपदी रुपी को आॅपरेटीव्ह बँकेचे विशेष कार्यकारी अधिकारी मधुकांत गरड यांची नियुक्ती करण्यात आली आहे. बी. जे. देशमुख यांची एक वर्षांची मुदतवाढ ३१ ऑगस्ट रोजी संपल्याने गरड यांची नियुक्ती करण्यात आली आहे.
देशमुख हे सेवानिवृत्त झाल्यानंतर एका वर्षासाठी सचिवपदावर नियुक्ती करण्यात आली होती. त्यांची मुदत संपली आहे. गेल्या काही दिवसांपासून बाजार समितीच्या सचिवपदी कुणाची नियुक्ती होणार याबाबत चर्चा रंगली होती. देशमुख यांच्यावर भ्रष्टाचाराचेही आरोप करण्यात आले होते. देशमुख यांची तक्रार माजी केंद्रीय कृषीमंत्री शरद पवार, उपमुख्यमंत्री अजित पवार, पणनमंत्री बाळासाहेब पाटील यांच्याकडे केली होती. त्यानंतर देशमुख यांनी त्यांच्यावर झालेल्या आरोपांचा खुलासाही केला होता.
सोमवारी दिवसभर बाजार समितीच्या सचिवपदी कोणत्या अधिकाऱ्याची वर्णी लागणार याकडे सर्वांचे लक्ष लागले होते. अखेर मधुकांत गरड यांची सचिव म्हणून नेमणूक झाल्याचे सायंकाळी उशीरा पत्र प्राप्त झाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.