पुणे - नागपूरच्या धर्तीवर मेट्रो स्थानकाच्या परिसराच्या विकासासाठी पुणे मेट्रोला विशेष नियोजन प्राधिकरणाचा दर्जा देण्याचा प्रस्ताव महामेट्रोने राज्य सरकारला पाठविला आहे. विशेष प्राधिकरण म्हणून दर्जा मिळाल्यास मेट्रो स्थानक आणि त्यांच्या आजूबाजूच्या परिसरात बांधकामांना परवानगी देण्याच्या अधिकारांपासून ते विकसन शुल्क गोळा करण्याचे अधिकारही महामेट्रोकडे जाणार आहेत.
महाराष्ट्र मेट्रो रेल कॉर्पोरेशनकडून राज्याच्या नगर विकास विभागास हा प्रस्ताव पाठविण्यात आला होता. पुणे मेट्रो प्रकल्पार्तंगत एकूण 93 हेक्‍टर क्षेत्रापैकी पुणे महापालिकेच्या हद्दीत 64 हेक्‍टर क्षेत्र समाविष्ट आहे. शहरात मेट्रोची तीसहून अधिक स्थानके बांधली जाणार आहे. यामध्ये स्वारगेट, शिवाजीनगर शासकीय गोदाम, शिवाजीनगर येथील कृषी महाविद्यालय येथील स्थानके बहुमजली असणार आहेत.
''चंद्रकांत पाटलांनी पुन्हा कोल्हापूरला येऊन दाखवावं''
पुणे मेट्रोला विशेष नियोजन प्राधिकरण म्हणून नियुक्त करावे. या स्थानकांच्या शेजारी असलेल्या खासगी मिळकतींचा या प्राधिकरणाच्या हद्दीत समावेश करावा. या मिळकतींच्या विकास करण्यासाठी महापालिकेची परवानगी घ्यावी लागू नये, ही परवानगी महामेट्रो देईल. पुणे मेट्रोला यातून उत्पन्न मिळेल, असा दावा या प्रस्तावात करण्यात आला आहे.
मेट्रो स्थानकाच्या परिसरातील पाचशे मीटरपर्यंतच्या बांधकामांना चारपट वाढीव "एफएसआय' देण्याचा निर्णय राज्य सरकारने यापूर्वीच घेतला आहे. नागपूर शहरात मेट्रो प्रकल्प राबविण्यात आला असून तेथे मेट्रो स्थानकाच्या परिसरात महामेट्रोला विशेष नियोजन प्राधिकरण म्हणून अधिकार देण्यात आले आहेत. त्याच धर्तीवर ही परवानगी द्यावी, असेही या प्रस्तावात नमूद केले आहे.
महापालिकेकडून अभिप्राय मागविला
महामेट्रो विशेष प्राधिकरणाचा दर्जा मिळावा, यासाठी महामेट्रोने पाठविलेल्या प्रस्तावावर राज्य सरकारने महापालिकेकडून अभिप्राय मागविला आहे. त्यामुळे महापालिका यावर काय भूमिका घेणार याकडे सर्वांचे लक्ष लागले आहे. त्यातून महामेट्रो आणि महापालिका यांच्यात वाद होण्याची शक्‍यता व्यक्त केली जात आहे. मेट्रोचा मार्ग आणि स्थानके ही पुणे महापालिकेप्रमाणे पिंपरी चिंचवड महापालिका, खडकी कॅन्टोन्मेंट बोर्ड यांच्या हद्दीतून देखील जातात. तसेच काही ठिकाणी संरक्षण विभागाच्या भागातून ही जात आहे. त्यामुळे हा प्रस्ताव केवळ पुणे महापालिकेच्या हद्दीसंदर्भातच का, असाही प्रश्‍न उपस्थित केला जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.