पुणे - कुख्यात गुंड शरद मोहोळच्या खुनाचा बदला घेण्याच्या तयारीत असलेल्या सरार्इत गुन्हेगाराला गुन्हे शाखेच्या युनिट दोनच्या पथकाने अटक केली आहे. त्याच्याकडून देशी बनावटीच्या पिस्तुलासह दोन काडतुसे जप्त करण्यात आली..ओंकार सचिन मोरे (वय २३, रा. कोथरूड) असे अटक करण्यात आलेल्याचे नाव आहे. शरद मोहोळचा पाच जानेवारी २०२४ ला सुतारदरा परिसरात पिस्तुलातून गोळ्या झाडून खून करण्यात आला होता. वर्चस्वाच्या वादातून गणेश मारणे टोळीने हा खून केल्याचे उघडकीस आले होते. त्यामुळे मोरे हा गणेश मारणे टोळीकडून बदला घेण्याच्या तयारीत होता..गुन्हे शाखेच्या युनिट दोनचे पोलिस कर्मचारी उज्ज्वल मोकाशी, शंकर कुंभार कोथरूड भागातील सुतारदरा भागात सोमवारी (ता.१९) गस्त घालत होते. त्या वेळी मोहोळचा साथीदार ओंकार मोरे याच्याकडे देशी बनावटीचे पिस्तूल असून, तो शरद मोहोळच्या खुनाचा बदला घेण्याच्या तयारीत असल्याची माहिती मोकाशी आणि कुंभार यांना मिळाली. त्यानंतर पोलिसांच्या पथकाने सापळा लावून त्याला पकडले. त्याची झडती घेण्यात आली. तेव्हा त्याच्याकडे देशी बनावटीचे पिस्तूल आणि दोन काडतुसे सापडली..गुन्हे शाखेच्या युनिट दोनचे पोलिस निरीक्षक प्रताप मानकर, सहायक निरीक्षक आशिष कवठेकर, उपनिरीक्षक नितीन कांबळे, संजय जाधव, उज्ज्वल मोकाशी, शंकर कुंभार, शंकर नेवसे, विजयकुमार पवार, नागनाथ राख, ओंकार कुंभार, हनुमंत कांबळे यांनी ही कामगिरी केली..यापूर्वी दोघांना अटक -मोहोळच्या खुनाचा बदला घेण्याच्या तयारीत असलेले शरद शिवाजी मालपोटे (वय २९), संदेश लहू कडू (वय २४, दोघे रा. कोथरूड) यांना जानेवारीत अटक करण्यात आली होती. त्यांच्याकडून दोन पिस्तुलांसह काडतुसे जप्त करण्यात आली आहेत..मोहोळ खून प्रकरणातील मुख्य सूत्रधार विठ्ठल शेलार, गणेश मारणे, साहिल ऊर्फ मुन्ना पोळेकर, नामदेव कानगुडे यांच्यासह साथीदारांना अटक करण्यात आली होती. या गुन्ह्यात १६ जणांविरुद्ध महाराष्ट्र संघटित गुन्हेगारी नियंत्रण कायद्यान्वये (मकोका) कारवाई करण्यात आली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
