मुंबई- पुणे एक्सप्रेस वेवर मराठी अभिनेत्याला लुटले | Sakal
sakal

बोलून बातमी शोधा

पुणे - मुंबई द्रुतगती मार्गाचे संग्रहित छायाचित्र.

मुंबई- पुणे एक्सप्रेस वेवर मराठी अभिनेत्याला लुटले

सोमाटणे (pune): मराठी अभिनेता योगेश सोहनी(yogesh Sahani) यास सोमाटणेजवळ (Somatane) धाक दाखवून अज्ञात चोरट्यांनी पन्नास हजाराला लुटले. याप्रकरणी अज्ञात चोरट्यांविरुद्ध गुन्हा दाखल करण्यात आला आहे.

हेही वाचा: लहान मुलांसाठी विशेष टास्क फोर्स; पुणे महापालिका आणि बालरोगतज्ज्ञ येणार एकत्र

वरिष्ठ पोलिस निरीक्षक सुनील पिंजण यांनी दिलेल्या माहितीनुसार, मराठी मालिकेतील अभिनेते योगेश माधव सोहनी (वय ३२, रा. मुंबई) हे आपल्या कारमधून पुणे-मुंबई द्रुतगती मार्गाने मुंबईहून पुण्याकडे जात असताना शनिवारी सकाळी पावणेआठच्या सुमारास सोमाटणे उड्डाण पुलाजवळील बाह्यमार्ग येथे एका स्कॉर्पिओ चालकाने त्यांना हात दाखवून कार थांबविण्यास भाग पाडले. यावेळी या अज्ञात चालकाने योगेश सोहनी यांना धमकी देऊन तुझ्या गाडीने अपघात केला असून, यात एक जण जखमी झाला आहे. याबाबत आपण पोलिसांत तक्रार देणार असून, पोलिस तक्रारीतून वाचवण्यासाठी सव्वा लाख रुपये देण्याची मागणी केली. अखेर सोमाटणे येथील एटीएममधून पन्नास हजार रुपये काढून देण्यास भाग पाडले. पैसे हातात मिळताच संबंधित व्यक्ती तिच्या स्कॉर्पिओसह पसार झाली. या घटनेनंतर सोहनी यांनी पुण्याहून परत येताना सोमवारी (ता. १०) रोजी शिरगाव पोलिसात तक्रार दाखल केली.

हेही वाचा: मायबाप, आम्हालाबी द्या की लस!

शिरगाव पोलिसांनी अज्ञात व्यक्तीविरुद्ध गुन्हा दाखल केला असून, सोमाटणे परिसरातील सीसीटीव्ही फुटेज तपासण्यास सुरवात केली आहे. द्रुतगती मार्गावरील वाहनांची संख्या कमी झाल्याने चोरीचे प्रकार सुरु झालेत. हा प्रकार दिवसा व रहिवासी कॉलनी हाकेच्या अंतरावर असलेल्या ठिकाणी घडल्याने महामार्ग पोलिसांपुढे मोठे आव्हान निर्माण झाले असून, त्यांनी याभागात गस्त वाढवली आहे.

हेही वाचा: परिचारिका दिन : सलाम परिचारिकांनो सलाम..!

Web Title: Marathi Actor Yogesh Sohoni Robbed On Mumbai Pune

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Pune News
go to top