मार्केट यार्ड (पुणे) : गुलटेकडी मार्केट यार्डातील तरकारी, फळे, कांदा-बटाटा, केळी आणि पान विभाग रविवार (ता.३१) पासून सुरू झाला आहे. एक अडत्या एक वाहन या प्रमाणे बाजारात भाजीपाला, फळांच्या २०० गाड्यांची आवक झाली. या गाड्यांमधून ११ हजार क्विंटल शेत मालाची अवाक झाली असल्याचे बाजार समितीचे प्रशासक बी जे. देशमुख यांनी सांगितले. परंतु, नियमित बाजाराच्या तुलनेत आज अवघी पंधरा टक्केच आवक झाली.
रविवारी सकाळपर्यंत मुख्य बाजारात 200 गाड्यांमधून 11 हजार क्विंटल शेतमाल, मोशी, उत्तमनगर, खडकी आणि मांजरी या उपबाजारांमध्ये 4 हजार क्विंटल शेतमाल विक्रीसाठी दाखल झाला होता. मुख्य बाजार व उपबाजारात 471 गाड्यांमधून 15 हजार क्विंटल मालाची आवक झाली. मागील 50 दिवसांपासून बाजार बंद होता. त्यामुळे बाजार पूर्वपदावर येण्यास आणखी काही दिवस लागतील. त्यानंतर, आवक व मागणी वाढून भाव नियंत्रणात राहतील अशी माहिती बाजार समितीचे प्रशासक बी. जे. देशमुख यांनी दिली.
शहरातील महात्मा फुले मंडई आणि उपनगरांतील किरकोळ व आठवडे बाजार बंद आहेत. तसेच अनेक ठिकाणी खरेदीदारांना भाजीपाला, फळे ही पोहचं मिळत आहेत. तसेच बाजारातून खरेदी करणाऱ्या अनेक खरेदीदारांकडे बाजार समितीचा खरेदी परवाना नाही. त्यामुळे अनेक खरेदीदार बाजाराकडे फिरकले नाहीत. रविवार असून ही शेतमालाची आवक कमी होती. परंतु तरीही त्याला तुलनेने उठाव नसल्याचे चित्र बाजारात होते.
बाजारात सोशल डिस्टन्सिंग ठेऊन बाजारात सुरू झाला आहे. बाजार समितीचे कर्मचारी बाजारात योग्य ती खबरदारी घेऊन काम करत आहेत. पुढील काही दिवसांत बाजार पूर्वपदावर येईल. बाजारात हळू हळू अवाक वाढेल.
- बी. जे. देशमुख, प्रशासक, बाजार समिती.
पुण्यातील इतर बातम्या वाचण्यासाठी येथे- क्लिक करा
पहिला दिवस असल्याने गाड्यांची अवाक आज तुलनेने कमी झाली आहे. पुढील काही दिवसांत शेतमालाची अवाक वाढेल. तसेच मार्केट यार्ड सुरू झाल्याने भाजीपाला, फळांचे भाव नियंत्रणात येतील.
- अमोल घुले, उपाध्यक्ष, अडते असोसिएशन.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.