अन् भर रस्त्यात मर्सिडीज कार आगीत जळून खाक 

माले : मुळशी धरण भागातील पळसे (ता. मुळशी) येथे चालू मर्सिडीज कारला आग लागल्याची घटना बुधवारी रात्री दहाच्या दरम्यान घडली.  वेळीच आग लागल्याचे लक्षात आल्याने आगीत कोणतीही जिवीतहानी झाली नाही. याबाबत वाहनमालक नवनाथ लक्ष्मण हुंडारे, (रा. लवळे फाटा, पिरंगुट, ता. मुळशी) यांनी पोलिसांत खबर दिली आहे. 

रशियन वैमानिकांनी पुण्यात उडविले सुखोई 30

पोलिसांनी दिलेली माहिती अशी की, बुधवारी नवनाथ हुंडारे हे त्यांच्या नातेवाईकांना भेटण्यासाठी त्यांच्या मर्सिडीज कारने पळसे येथे गेले होते. रात्री दहाच्या दरम्यान घरी परतत होते. पळसे गावापासून काही अंतरावर आल्यानंतर त्यांना अचानक मर्सिडीज कारच्या पुढील बाजुने धुर येताना दिसला. त्यामुळे त्यांनी व त्यांचा भाऊ नंदकिशोर यांनी खाली उतरुन पाहिले असता, त्यांना आग लागल्याचे लक्षात आले. त्यामुळे ते दोघेही तातडीने गाडी बाहेर उतरले. काही वेळात चारचाकीने मोठा पेट घेतला.

पुण्याच्या बातम्या वाचण्यासाठी ► क्लिक करा 

दरम्यान, पीएमआरडीएच्या मारुंजी येथील अग्निशमन विभागाचे उपस्थानक अधिकारी विजय महाजन, चालक संदिप शेळके, फायरमन योगेश मायनाळे, अक्षय तांबे, प्रकाश मदन वैभव कोरडे यांनी घटनास्थळी धाव घेवून आग शमविली. या आगीत चारचाकीचे मोठे नुकसान झाले. आगीचे कारण समजू शकले नाही. 

ताज्या बातम्यांसाठी डाऊनलोड करा ई-सकाळचे ऍप