पुण्यातील या ग्रामपंचायतींनी कोरोनाला रोखण्यासाठी आखलाय असा प्लॅन

लोणी काळभोर (पुणे) : पूर्व हवेलीमधील लोणी काळभोर व कदमवाकवस्ती या दोन्ही ग्रामपंचायती पुढील दहा दिवसांत कोरोना मुक्त करण्यासाठी आरोग्य विभागाने कंबर कसली असून, ग्रामपंचायतीचे पदाधिकारी, सदस्य, ग्रामपंचायत प्रशासनासह नागरिकांच्या मदतीने प्रभागनिहाय कोरोनामुक्तीचे माय़क्रो प्लॅनिंग सुरु केले आहे. 

असा चेक करा बारावीचा रिझल्ट

आरोग्य विभागाने तयार केलेल्या मायक्रो माय़क्रो प्लॅनिंग अंतर्गत प्रभागनिहाय शंभर टक्के कुटुंबांचे व कुटुंबांतील सदस्यांचे सर्वेक्षण, सर्दी- खोकला- ताप अशी लक्षणे असणारे रुग्ण, कोरोनाबाधित रुग्ण, कोरोनाबाधित रुग्णांच्या संपर्कात आलेले नातेवाईक व मित्रमंडळी अशा सर्वांचीच यादी तयार करणे, कोरोनाबाधित रुग्ण व रुग्णांच्या संपर्कात आलेल्याना कोविड केअर सेंटरपर्यंत पोचवणे, आदी कामे ग्रामपंचायतीचे पदाधिकारी, सदस्य, ग्रामपंचायत प्रशासनासह नागरिकांच्या मदतीने केली जाणार आहेत. 

येरवडा कारागृहातून पाच कैदी पळाले

लोणी काळभोर व कदमवाकवस्ती या दोन्ही ग्रामपंचायत हद्दीत मागिल पंधरा दिवसांपासून कोरोनाचा प्रादुर्भाव मोठ्या प्रमाणात वाढत आहे. या प्रार्श्वभूमीवर वरील दोन्ही ग्रामपंचायत हद्दीतील कोरोनाची साखळी तोडण्यासाठी व या पुढील काळात रूग्णांची वाढ होऊ नये, यासंदर्भात उपाययोजना करण्याबाबत आरोग्य विभागाने कदमवाकवस्ती येथील मधुबन मंगल कार्यालयात दोन्ही ग्रामपंचायत हद्दीतील नागरिक व ग्रामपंचायत प्रशासनाची बैठक बोलवली होती. या वेळी डॉ. जाधव यांनी वरील नियोजन सादर केले. या वेळी आरोग्य विभागाच्या प्रयत्नांत नागरिकांनीही सहभागी व्हावे, असे आवाहन त्यांनी केले आहे.

आईने सांगितला तसा अभ्यास केला आणि बोर्डाच्या परीक्षेत पहिला आला

या वेळी हवेली पंचायत समिती उपसभापती युगंधर काळभोर, पंचायत समिती सदस्य अनिल टिळेकर, तलाठी दादासाहेब झांजे, ग्रामविकास अधिकारी दत्तात्रेय पवार, कदमवाकवस्तीच्या सरपंच गौरी गायकवाड, उपसरपंच बाबासाहेब काळभोर, लोणी काळभोरचे उपसरपंच राजाराम काळभोर आणि अंगणवाडी सेविका, आशा वर्कर, आरोग्य कर्मचारी व शिक्षक उपस्थित होते. 

पुण्यातील इतर बातम्या वाचण्यासाठी येथे क्लिक करा

या वेळी डॉ. जाधव म्हणाले की, या दोन्ही ग्रामपंचायत हद्दीत वॉर्डनिहाय कुटुंब सर्वेक्षणाची मोहिम हाती घेण्यात आली आहे. सर्वेक्षणात एखाद्या कुटुंबातील व्यक्तीस सर्दी, खोकला व ताप असेल, तर तत्काळ त्यांस व कुटुंबातील सर्व सदस्यांचे स्वॅब तपासणीसाठी पाठवण्यात येणार आहेत. तसेच, सर्वांचे विलगीकरण करण्यात येणार आहे. त्यामुळे प्रादुर्भाव फैलावावर नियंत्रण ठेवणे शक्य होणार आहे. सर्वेक्षण करण्यासाठी येणाऱ्या व्यक्तीस प्रत्येकाने खरी माहिती देऊन आरोग्य विभागास सहकार्य करावे. सरपंच, उपसरपंच व ग्रामपंचायत सदस्यांबरोबरच सर्वच नागरिकांनी आपापल्या प्रभागातील एखाद्या व्यक्तीस सर्दी, खोकला, ताप असल्याचे निदर्शनास आल्यास, संशयित रुग्ण व त्यांचे कुटुंबातील सर्वांना तत्काळ कोरोना सेंटरमध्ये पाठवून द्यावे. यामध्ये काही अडचण आली तर आरोग्य विभागासी संपर्क साधावा. 

कोरोना मुक्तीसाठी आरोग्य विभाग व ग्रामपंचायत प्रशासन मागिल तीन महिन्यांपासून चोविस तास काम करत आहे. मात्र, कोरोनाचा प्रादुर्भाव दिवसेंदिवस वाढतच आहे. नागरिकांनी मनात आणल्याशिवाय व योग्य ती काळजी घेतल्याशिवाय कोरोनाची साथ आटोक्यात येऊच शकत नाही. नागरिकांनी या पुढील काळात मास्क वापरणे, सोशल डिस्टन्सिंग ठेवणे,  अशा उपाय योजनांबरोबर, आपल्या आसपास वावरणाऱ्या कोरोनाबाधित रुग्ण व रुग्णांच्या संपर्कात येणाऱ्यांची माहिती ग्रामपंचायत प्रशासन व आरोग्य विभागाला तत्काळ देण्याची गरज आहे. नागरिकांनी सक्रीय सहभाग घेतल्याशिवाय कोरोनामुक्ती होऊच शकत नाही
 - युगंधर काळभोर, उपसभापती, हवेली पंचायत समिती 
 
Edited By : Nilesh J shende