पुण्यातील शाळेला शिक्षणमंत्र्यानी दिली भेट; नियमांच्या अंमलबजावणीचा घेतला आढावा

पुणे : पुण्यातील डेक्कन परिसरातील आपटे प्रशालेला आज शालेय शिक्षणमंत्री वर्षा गायकवाड यांनी भेट दिली. पुणे शहरात सध्या 9 ते 12 वीचे वर्ग सुरु झाले आहेत. यापैकी 10 वीच्या वर्गांना वर्षा गायकवाड यांनी भेट दिली. यावेळी कोरोना संसर्गाच्या पार्श्वभूमीवर शाळेत नियमांची अंमलबजावणी कशाप्रकारे होते आहे, याचा आढावा ही गायकवाड यांनी घेतला.

Farmer Protest : अमेरिकेत भारतीय दुतावासाबाहेर फडकावले खलिस्तानी झेंडे

शालेय शिक्षणमंत्री वर्षा गायकवाड यांनी शाळा सुरू करण्याबाबत मुख्यमंत्री उद्धव ठाकरे यांना प्रस्ताव दिल्यानंतर ठाकरे यांनी कोरोना संदर्भातील सर्व उपाययोजना अंमलात आणून व सर्व नियम पाळून शाळा सुरू करण्याचे आदेश दिले होते. यापूर्वी 23 नोव्हेंबरपासून इयत्ता आठवी ते बारावीचे वर्ग सुरू करण्यात आले होते. त्याला आता चांगला प्रतिसाद मिळत आहे. यानंतर आता दुसऱ्या टप्प्यात पाचवी ते आठवीचे वर्ग देखील प्रत्यक्षात सुरू झाले आहेत. दहा महिन्यांच्या प्रदीर्घ कालावधीनंतर व मोठ्या सुटीनंतर विद्यार्थी आपले वर्ग मित्र- मैत्रिणी आणि शिक्षकांना भेटले आहेत.

9 वी ते 12 वी नंतर आजपासून 5 वी 8 चे वर्ग सुरु झालेले आहेत मात्र, मुंबई आणि पुण्यातील परिस्थिती लक्षात घेऊन वर्ग टप्प्याटप्प्याने सुरु होतील असंही त्यांनी सांगितलं.

IMF ची भारतीय अर्थव्यवस्थेसाठी 'गुड न्यूज', चीनलाही टाकणार मागे