Mission Urja Project : दुर्गम आदिवासी पाड्यांत ‘मिशन ऊर्जा’चा प्रकाश; सौरऊर्जेवर आधारित उपक्रमाच्या विस्तारासाठी सामूहिक मदतीची गरज

पुणे - सह्याद्रीच्या दुर्गम भागातील आदिवासी पाडे मूलभूत सोयी-सुविधा आणि विकासापासून अजूनही दूर आहेत. शासकीय व प्रशासकीय स्तरावर केल्या जाणाऱ्या प्रयत्नांमुळे आणि काही स्वयंसेवी संस्थांच्या समाजविधायक उपक्रमांमुळे अनेक योजना आदिवासी पाड्यांपर्यंत पोहोचण्यास मदत होत आहे. राज्यपातळीवर वीजजोडणी वाढली, डोंगराळ भागात वीजपुरवठा अनियमित असतो. पुण्यातील ‘ट्री इनोवेटिव्ह फाउंडेशन’ २०२२पासून ‘मिशन ऊर्जा’ उपक्रमांतर्गत राज्यातील दुर्गम भागात देणगीदारांच्या मदतीने सौरऊर्जेचा वापर करून आदिवासी पाड्यांना प्रकाशमान बनविण्याचे कार्य करत आहे.