पोलिसांचा 'तो' व्हिडीओ अन् त्यामुळे पुण्यातील 'या' भागात...

कोथरुड : केळेवाडीत 35 कोरोना पॉझिटीव्ह रुग्ण झालेत त्यामुळे आम्ही केळेवाडी बंद करत आहोत, असे पोलिसांकडून सांगण्यात येत असल्याची व्हिडीओ क्लीप समाजमाध्यमांमध्ये व्हायरल झाली आहे. या क्लीपमुळे कोथरुडमधील नागरिकांमध्ये गैरसमज वाढला असून, केळेवाडीतील कामगार महिलांना कामावर येण्यास अनेक सोसायट्यांनी परवानगी नाकारली आहे.

- बारामतीच्या नवीन वाहतूक आराखड्याला हिरवा कंदिल

वास्तविक पाहता कोथरुडमधील प्रभाग क्रं. 11 शीवतीर्थनगर, रामबाग कॉलनी मध्ये 11 तारखेपर्यंत 35 रुग्ण पॉझिटीव्ह सापडले आहेत. यातील 10 जण कोरोनामुक्त झाले असून, एक मृत आहे. प्रभाग अकरामध्ये सध्या 24 जण कोरोना पॉझि्टीव्ह आहेत.

वेळोवेळी समज देवूनही नागरीक ऐकत नाहीत. वस्तीत कोरोना वाढला तर सावरणे अवघड होईल यामुळे पोलिस प्रशासन वेगवेगळ्या उपाययोजना राबवत आहे. वस्ती जोडणारे रस्ते बंद करणे, विविध माध्यमाव्दारे जनजागृती करणे अशा उपाययोजना सुरु आहेत. त्यातच केळेवाडी मध्ये रुग्ण वाढले हे माझे अपयश आहे. आता तरी काळजी घ्या असे आवाहन करणारी क्लीप संपूर्ण पुणे शहरात पसरली. यातील पोलिसांचा हेतू चांगला असला तरी एकाच भागात एवढे रुग्ण सापडले असा समज झाल्याने, या वस्तीमधील कामगारांना कामावर येवू नका असे मालकांकडून सांगण्यात आले. नुकतेच कुठे काम सुरु झाले नाही तर तेही पुन्हा बंद झाल्याने महिलांमध्ये निराशेची भावना निर्माण झाली आहे.

- 'या' २० मार्गांवर बस सुरू करता येईल; पीएमपीचा महापालिकेसमोर प्रस्ताव!

सागर खळदकर-केळेवाडीत 35 रुग्ण सापडले असे सांगताना अख्ख्या प्रभागात आढळलेल्या आजवरच्या कोरोना रुग्णांची संख्या पोलिसांकडून जाहीर करण्यात आल्याने केळेवाडीतील कामगारांना कामाला मुकावे लागत आहे. पोलिसांचा हेतू चांगला असला तरी पध्दत चुकीची वापरल्याने नागरिकांच्या हिताला बाधा पोहचली आहे.

एसआरएच्या जागेतील वसंतनगर भागात अनाधिकृत झोपड्यांची संख्या वाढलेली आहे. आता या भागात कोरोनाग्रस्तांची संख्या वाढत आहे. या झोपड्यांवर कारवाई करुन तेथील जागा स्वच्छ करावी, वसंतनगर रेडझोन करावा अशी मागणी आम्ही केली आहे. नागरिकांनी प्रशासनाला सहकार्य केले तरच कोरोना रोखता येईल. -दिपक मानकर, नगरसेवक

- 'आरटीई'ची दुसरी सोडत जाहीर करा, अन्यथा...; मनसे विद्यार्थी संघटनेने दिला इशारा!

कोथरुड पोलिस ठाण्याच्या वरीष्ठ पोलिस निरिक्षक प्रतिभा जोशी या मिटींगमध्ये असल्यामुळे फारशा बोलू शकल्या नाही. त्या म्हणाल्या की, केळेवाडी मधील भाग पत्रे घालून बंद केला आहे. वस्ती भागात कोरोनाचा शिरकाव वाढू नये म्हणून आम्ही उपाययोजना करत आहोत.