पुणे - कोरोनाच्या पार्श्‍वभूमीवर राज्य सरकारने लागू केलेल्या संचारबंदीबाबत शहरातील उद्योग क्षेत्रातील संघटनांच्या संमिश्र प्रतिक्रिया आहेत. या नियमाचा हॉटेल व्यवसायावर परिमाण होणार आहे. तर बंदीचा नेमका उद्देश काय, अशी भावना अनुक्रमे हॉटेल व व्यापारी संघटनेने व्यक्त केली आहे. बांधकाम क्षेत्रातील संघटनेने याला पाठिंबा दर्शवला आहे.
गेल्या काही दिवसांपासून व्यवसाय सुरळीत होण्यास सुरवात झाली आहे. मात्र, आता संचारबंदीच्या नवीन नियमांमुळे पुन्हा झटका बसणार आहे. व्यवसायात किमान 15 टक्के घट होण्याची शक्‍यता आहे. वर्षाअखेरीसपर्यंत चांगला व्यवसाय अपेक्षित आहे. त्यामुळे रात्री 12 नंतर संचारबंदी लागू करावी, अशी आमची विनंती आहे. तसे झाल्यास व्यावसायिकांना काहीसा दिलासा मिळेल.
- गणेश शेट्टी, अध्यक्ष, पुणे रेस्टॉरंट ऍण्ड हॉटेलिअर्स असोसिएशन
पीएमपीला दिवसभरात मिळाले साडेचार लाखांचे उत्पन्न
शासनाच्या या निर्णयामुळे नागरिकांत भीती निर्माण होईल. बाजारावर मात्र परिमाण होणार नाही. कारण त्यावेळेत व्यवसाय सुरू नसतात. संचारबंदीचा अवलंब करण्यासाठी पोलिसांवरील ताण वाढणार आहे. सध्या तसेही रात्री फिरण्याचे प्रमाण कमी आहे. कोरोनाच्या भीतीपोटी अजूनही सर्व लोक रात्री उशिरापर्यंत बाहेर थांबत नाहीत. देशभर संचारबंदी लागू केली असती तर एकवेळ मान्य होते. मात्र केवळ राज्यातच संचारबंदी का? तसेच याचा उद्देशही स्पष्ट होत नाही.
- फत्तेचंद रांका, अध्यक्ष, पुणे व्यापारी महासंघ
संचारबंदीचा बांधकाम क्षेत्रावर थेट काही परिमाण होणार नाही. कारण, संचारबंदीच्या काळात होणारी काम खूपच कमी आहे. तसेच ती इतर वेळेत करता येऊ शकता. मात्र नागरिकांच्या सुरक्षेच्या दृष्टीने घेतलेला हा निर्णय योग्य आहे. त्यामुळे शासनाच्या या निर्णयाला आमचा पाठिंबा आहे. या निर्णयामुळे नवीन वर्षांच्या निमित्ताने होणारी गर्दी आणि त्यातून होणारा कोरोनाचा प्रसार थांबणार आहे.
- सुहास मर्चंट, अध्यक्ष, पुणे क्रेडाई
पुण्याच्या बातम्या वाचण्यासाठी येथे ► क्लिक करा
कोरोनाच्या साथीबाबत राज्य सरकारकडे योग्य माहिती आहे. त्यामुळे त्यांनी सुरक्षेबाबत घेतलेल्या निर्णयानुसारच नागरिकांनी वागले पाहिजे. आम्ही देखील सरकारच्या नव्या निर्णयानुसार नाटकांच्या वेळांमध्ये अवश्‍य बदल करू. रात्री अकरापूर्वी कलाकार आणि प्रेक्षक यांना घरी पोचता येईल, अशा वेळा निश्‍चित करू.
- प्रशांत दामले, अभिनेता, नाट्य निर्माता
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.