राष्ट्रवादी काँग्रेसचे आमदार शंकर मांडेकर यांच्या भावाला चौफुल्यातील कला केंद्रात गोळीबार प्रकरणी अटक करण्यात आलीय. सोमवारी रात्री दौंड तालुक्यातल्या चौफुला इथं न्यू अंबिका कला केंद्रात गोळीबाराची घटना घडली. यात एक नृत्यांगणा जखमी झाल्याचं सांगण्यात येत आहे. पोलिसांनी या प्रकरणी चौघांपैकी तिघांना अटक केली असून एकाचा शोध सुरू आहे. आता या प्रकरणी अटक केलेल्या बाळासाहेब मांडेकर यांचे भाऊ आमदार शंकर मांडेकर यांनी प्रतिक्रिया दिलीय.