Pune MNS | निवडणुकांचं बिगूल वाजलं, पुण्यात मनसेच्या मेळाव्याचं आयोजन | MNS meeting in Pune | Sakal
sakal

बोलून बातमी शोधा

MNS meeting in Pune | PMC Election

निवडणुकांचं बिगूल वाजलं, पुण्यात मनसेच्या मेळाव्याचं आयोजन

ओबीसी आरक्षणाचा तिढा कायम असतानाच राज्यातील स्थानिक स्वराज्य संस्थांच्या निवडणुकीचं बिगूल वाजलं आहे. कोर्टाने आरक्षण न देताच निवडणुका घेण्याचं जाहीर केलंय. यानंतर सत्ताधारी आणि विरोधकांमध्ये खलबतं सुरू आहेत. त्यातच निवडणुकांआधी राज ठाकरे आणि मनसेचे कार्यकर्ते आक्रमक झाल्याने राजकीय नाट्य रंगलंय.

राज ठाकरे यांनी हनुमान चालिसा आणि मशिदींवरील भोंग्यांच्या प्रकरणावरून रान उठवलं आहे. ठाकरेंनी मुंबई, ठाण्यानंतर औरंगाबादमध्ये सभा घेतली. यादरम्यान त्यांनी दोन वेळा पुण्यात बैठकी घेतल्या. यामुळे राजकीय वातावरण गरम झालं आहे. त्यातच आता पुण्यात रविवारी महाराष्ट्र नवनिर्माण सेनेचा जाहीर मेळावा पार पडणार आहे.(MNS Meeting in Pune)

हेही वाचा: 'तू मिसळ महोत्सव घे, मी नक्की येईन'; राज ठाकरेंचं वसंत मोरेंना आश्वासन

औरंगाबादच्या सभेनंतरही राज ठाकरे यांनी पुन्हा एकदा पुणे दौरा केला. त्यानंतर आता मनसेच्या गोटातून आणखी एक माहिती समोर येत आहे. शहर स्तरावर पक्षाचा मेळावा पार पडणार आहे. साईनाथ बाबर शहर अध्यक्ष झाल्यानंतर मनसेचा पहिलाच जाहीर मेळावा होणार आहे. आगामी महानगरपालिका निवडणुकीच्या पार्श्वभूमीवर मनसेची रणनिती ठरणार आहे. शहरातील मनसे नेते, पदाधिकारी, शाखा अध्यक्ष यांच्यासह कार्यकर्ते मेळाव्यात उपस्थित राहतील. मनसे नेते बाळा नांदगावकर देखील उपस्थित राहण्याची शक्यता आहे.

Web Title: Mns Will Organize Gathering In Pune Before Pmc Elections 2022

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Raj Thackeray
go to top