Monsoon Rain Formation : 'मॉन्सून'चा पाऊस ढगांत कसा तयार होतो? पावसाचे रहस्य उलगडले; हवामानाचा अचूक अंदाज वर्तविणे आता होणार अधिक सोपे

-प्रज्वल रामटेके

पुणे : मॉन्सूनचा पाऊस ढगांमध्ये नेमका कसा तयार होतो, या प्रक्रियेतील अत्यंत सूक्ष्म आणि महत्त्वपूर्ण रहस्य उलगडण्यात पुण्यातील ‘भारतीय उष्णकटीबंधीय हवामानशास्त्र संस्थे’च्या (आयआयटीएम) शास्त्रज्ञांना यश आले (Monsoon Rain Formation) आहे. ढगांच्या आत उणे १५ अंश सेल्सिअस तापमानात चालणाऱ्या बर्फाच्या प्रक्रियेचा शास्त्रज्ञांनी सखोल अभ्यास केला असून, या नव्या संशोधनामुळे भविष्यात मॉन्सूनच्या पावसाचा अधिक अचूक अंदाज वर्तविणे शक्य होणार आहे.