पुणे : खेड तालुक्यातील कोरोनाबाधितांची संख्या आज सातशेवर गेली असून, दर दिवशी ४० ते ५० च्या सरासरीने कोरोनाबधित वाढू लागले आहेत. तसेच, राजगुरूनगर पोलिस ठाण्यातील एका वरिष्ठ पोलीस अधिकाऱ्यास कोरोनाची लागण झाल्याचे निष्पन्न झाल्यानंतर तालुका पोलिस दल हादरले आहे.
राजगुरूनगर : खेड तालुक्यातील कोरोनाबाधितांची संख्या आज सातशेवर गेली असून, दर दिवशी ४० ते ५० च्या सरासरीने कोरोनाबधित वाढू लागले आहेत. तालुक्यात कंपन्या, दवाखाने, पोलिस ठाणे, बाजार समिती आवार, बँका, नगरपरिषदा, न्यायालय आदी सार्वजनिक ठिकाणी कोरोनाबधित आढळू लागल्याने चिंतेचे वातावरण निर्माण झाले आहे.
खेड तालुक्यात या पूर्वी पुणे व मुंबई कनेक्शनमधून रुग्ण वाढत होते. त्यातून प्रामुख्याने एखाद्या कुटुंबात किंवा नातेवाईकांत इतरांना संसर्ग होऊन रुग्ण वाढत होते. मात्र, जूनचा लॉकडाउन शिथिल केल्यानंतर सार्वजनिक ठिकाणांवर कोरोनाबधित आढळू लागल्याने संसर्ग वेगाने वाढू लागल्याचे चित्र पाहावयास मिळत आहे. या परिस्थितीचा अंदाज आल्यावर तालुका अंशतः लॉकडाउन करण्यात आला. त्‍यानंतर पुणे शहराच्या लॉकडाउनप्रमाणे लॉकडाऊन लागू केला. तसेच, तीन नगर परिषदा आणि अठरा गावे, प्रतिबंधित क्षेत्रे जाहीर करण्यात आली. या ठिकाणी पहिले पाच दिवस किराणामालाच्या दुकानांसह सर्व दुकाने बंद ठेवून कडक लॉकडाउन पाळण्यात आला. तरी संसर्ग थांबण्याची चिन्हे नसल्याने तालुक्यात चिंतेचे वातावरण आहे. पोलिस, डॉक्टर, बँकर्स, कंपनी कामगार यांच्यामध्ये आणि त्यांच्यामुळे त्यांच्या कुटुंबांमध्ये संसर्ग होत असल्याचे पाहावयास मिळत आहे. कोरोना लढ्यातील मुख्य घटक प्रशासन, पोलिस आणि डॉक्टर्स बाधित होऊ लागल्याने चिंता अधिक वाढली आहे.
कडूस : राजगुरूनगर पोलिस ठाण्यातील एका वरिष्ठ पोलीस अधिकाऱ्यास कोरोनाची लागण झाल्याचे निष्पन्न झाल्यानंतर तालुका पोलिस दल हादरले आहे. संपर्कात आलेल्या सर्व कर्मचाऱ्यांची तपासणी करून घेण्यासाठी आरोग्य यंत्रणा कामाला लागली आहे. या तपासणी अहवालाकडे नागरिकांसह कर्मचाऱ्यांचे लक्ष लागून राहिले आहे.
राजगुरूनगर पोलिस ठाण्यातील एक वरिष्ठ पोलिस अधिकारी दोन दिवसांपूर्वी कोरोना पॉझिटिव्ह सापडल्याने पोलिस यंत्रणेसह संपर्कात आलेले नागरिक, पोलीस पाटील, प्रसिद्धी माध्यमांचे प्रतिनिधी व ठाण्यातील कर्मचारी हादरले आहे. कोरोनाच्या बंदोबस्तानिमित्त पोलीस कर्मचाऱ्यांनी तालुक्यातील अनेक गावांना भेटी दिल्या आहेत. 'आखाड' महिना आणि त्यात कोरोनाच्या बंदोबस्तासाठी पोलिस कर्मचाऱ्यांची तालुकाभर धावपळ यामुळे पोलीस यंत्रणेचा अनेकांशी संपर्क आला आहे. संसर्ग शोधण्याचे काम आरोग्य यंत्रणेने सुरू केले आहे. गेल्या दोन दिवसांपासून पोलिस कर्मचाऱ्यांचे स्वॅब तपासणीसाठी घेण्याची प्रक्रिया चांडोलीच्या ग्रामीण रुग्णालयात सुरू आहे. शनिवारी (ता. 18) पंधरा पोलिस कर्मचाऱ्यांचे स्वॅब नमुने घेतले आहेत. तर, सोमवारी आणखी काही कर्मचाऱ्यांचे स्वॅब घेतले आहेत. या तपासणी अहवालाकडे कर्मचाऱ्यांसह अनेकांचे लक्ष लागले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.