खासदार सुळे यांनी जाणून घेतल्या रुग्णांच्या समस्या

खडकवासला/ धायरी - पुणे जिल्हा परिषदेमार्फत चालवल्या जाणाऱ्या नऱ्हे येथील कोविड सेंटरला भेट देऊन खासदार सुप्रिया सुळे यांनी रुग्णांच्या अडचणी जाणून घेतल्या. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

नऱ्हे येथील सिंहगड इन्स्टिट्यूटच्या आवारात हे कोविड केअर सेंटर उभारण्यात आले आहे. येथील वार्डाची पाहणी करत रुग्णांसाठी ऑक्‍सिजन तसेच अन्य तातडीच्या आरोग्य सुविधा उपलब्ध आहेत का, डॉक्‍टर, परिचारिका, सेवक, सेविकांच्या काही समस्या आहेत का, आदींबाबत माहिती सुळे यांनी या वेळी घेतली. 

मुख्य प्रवाहात आम्ही येणार कधी?;  तृतीय पंथीयांचा सरकारला सवाल

येथील डॉक्‍टर, परिचारिका आणि अन्य सेवकांचा खास सत्कार करून सुळे यांनी त्यांच्या कामाचे कौतुकही केले. खडकवासला हवेली भागातील नागरिकांसाठी सोयीचे ठरेल, असे कोविड सेंटर व्हावे यासाठी खासदार सुळे यांनी पाठपुरावा केला होता. त्यानुसार नुकतेच हे सेंटर सुरू झाले असून, सुळे यांनी भेट देऊन पाहणी केली. 

कोरोना रुग्णांसाठी जितो कोविड सेंटर ठरतयं भक्कम आधार

या वेळी जिल्हा परिषदेचे उपाध्यक्ष रणजित शिवतरे, नगरसेवक सचिन दोडके, खडकवासला राष्ट्रवादी मतदारसंघाचे अध्यक्ष काका चव्हाण, त्र्यंबक मोकाशी, शहर राष्ट्रवादी काँग्रेस महिला अध्यक्षा स्वाती पोकळे, पंचायत समिती सदस्य ललिता कुटे, सुप्रिया भूमकर, गटविकास अधिकारी प्रशांत शिर्के, आरोग्य प्रमुख डॉ. वंदना गवळी, डॉ. बाळासाहेब आहेर, तहसीलदार सुवर्ण बारटक्के, माजी सरपंच पोपट खेडेकर आदी मान्यवर उपस्थित होते.

Edited By - Prashant Patil