Pune MPSC Students Put October 2 Satyagraha on Hold After CM Fadnavis Meeting on Recruitment Exams and Pending Demands
esakal
-प्रज्वल रामटेके
पुणे : महाराष्ट्र लोकसेवा आयोगाच्या (एमपीएससी) कारभाराविरोधात आणि विविध प्रलंबित मागण्यांसाठी पुण्यात २ ऑक्टोबर रोजी पुकारण्यात आलेले ‘सत्याग्रह’ आंदोलन तात्पुरते स्थगित करण्यात आले आहे. मुख्यमंत्री देवेंद्र फडणवीस आणि एमपीएससी विद्यार्थी प्रतिनिधींच्या शिष्टमंडळाची बुधवारी मंत्रालयात बैठक झाली असून, विद्यार्थ्यांच्या बहुतांश मागण्या मान्य करण्यात आल्या आहेत. एमपीएससीच्या सचिवांची लवकरच बदली होणार असून, आयोगाच्या अध्यक्षांची न्यायाधीशांमार्फत चौकशी करण्यात येणार असल्याचे आश्वासन फडणवीस यांनी विद्यार्थ्यांना दिले आहे. यामुळे विद्यार्थ्यांना मोठा दिलासा मिळाला आहे.
