पुण्यात वातावरण तापलं, राज ठाकरेंच्या नावाला फासलं काळं

पुण्याच्या कोंढव्यातील नुरानी कब्रस्तानचा भूमिपूजनाचा कार्यक्रम राज ठाकरे यांच्या हस्ते झाला होता. राज ठाकरे यांच्या नावाला काळा रंग लावून स्थानिक लोकांनी त्यांचा निषेध दर्शवला आहे.

गुढीपाडवा मेळाव्यात शिवतीर्थावरील सभेत मनसे अध्यक्ष राज ठाकरे (Raj Thackeray) यांनी मशिदीवरील भोंग्यांसंदर्भात केलेल्या वक्तव्यावरून मुस्लीम बांधवांमध्ये नाराजी असल्याचं समोर आलंय.

या बांधवांच्या भावना दुखावल्याने पुण्यात याधीच मनसेच्या पदाधिकाऱ्यांनी राजीनामे दिले आहेत. तर दुसरीकडे पुण्यात मनसेने पोलीस आयुक्तांना पत्र लिहून चार दिवसांचा अल्टिमेटम दिलाय. चार दिवसात भोंगे न काढल्यास पुण्यात दुप्पट भोंगे लवून हनुमान चालिसा म्हणणार असल्याचं स्पष्ट केलंय.

दरम्यान, पुण्यात मुस्लीम बांधवांनी राज ठाकरे यांनी उद्घाटन केलेल्या कब्रस्तानावर असलेलं राज ठाकरे यांच्या नावाना काळा रंग लावला. राज ठाकरे यांच्या निर्णयाचा निषेध त्यांनी नोंदवला आहे.