'महत्त्वाच्या लोकांबद्दल मी काय बोलावं'; शरद पवारांचा चंद्रकांत पाटील यांना टोला

ncp leader sharad pawar reaction on chandrakant patil
ncp leader sharad pawar reaction on chandrakant patil

पुणे : भाजपचे प्रदेशाध्यक्ष आणि कोथरूडचे आमदार चंद्रकांत पाटील सातत्याने राज्य सरकारला धारेवर धरत असतात. मुख्यमंत्री उद्धव ठाकरे, ज्येष्ठ नेते शरद पवार आणि शिवसेना खासदार संजय राऊत यांच्यावर सातत्याने चंद्रकांत पाटील टीका करताना दिसतात. आज, राष्ट्रवादी काँग्रेसचे अध्यक्ष शरद पवार यांनी पुण्यात पत्रकारांशी संवाद साधला. त्यावेळी मिश्कील शैलीत, चंद्रकांत पाटील यांचा समाचार घेतला.

न्यायाधिशांच्या वक्तव्यावर भाष्य
पत्रकारांशी बोलताना, शरद पवार यांनी चीन, पाकिस्तान आणि पंतप्रधान नरेंद्र मोदी यांच्याविषयी भाष्य करण्यास नकार दिला. माजी सरन्यायाधीश रंजन गोगोई यांच्या वक्तव्यावर मात्र शरद पवार यांनी खेद व्यक्त केला. पवार म्हणाले, 'माजी सर न्यायाधीशांच विधान धक्कादायक आहे. त्यांनी न्याय व्यवस्थेबाबत त्यांच्या परीने सत्य सांगण्याचा प्रयत्न केला की काय हे मला ठाऊक नाही. मात्र, त्यांचं हे विधान प्रत्येकाला चिंता करायला लावणारं आहे. न्यायव्यवस्था किती उच्च आहे, हे न्यायाधिशांच्या बैठकीत पंतप्रधान मोदींनी सांगितलं होतं. पण, त्यानंतरचं हे विधान निश्चितच चिंताजनक आहे.'

चंद्रकांत पाटील यांना टोला
चंद्रकांत पाटील यांनी सातत्याने राज्य सरकारवर टीका केली आहे. मंत्री धनंजय मुंडेंवरील आरोप किंवा पूजा चव्हाण आत्महत्या प्रकरणातील शिवसेना मंत्र्यांवर उठलेली संशयाची सूई, यासगळ्यावरून चंद्रकांत पाटील सरकारवर टीका करत आहेत. त्यावर शरद पवार म्हणाले, 'महत्त्वाच्या लोकांबद्दल मी काय बोलावं. ज्यांना आपलं गाव सोडून दुसरीकडे राहायला जावं लागतं, त्यांच्याविषयी मी काय बोलणार.'

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com