Pune Authorities Give Technical Nod for ₹48 Crore Nanded City to Shivane Bridge
sakal
खडकवासला : खडकवासला धरण परिसरातील गावांचा पावसाळ्यात संपर्क अखंडित ठेवण्यासाठी नांदेड सिटी-शिवणेदरम्यान मुठा नदीवर नवीन पूल उभारण्याचा प्रस्ताव पुढे आला आहे. शिवणे-नांदेडदरम्यानचा पूल एक धरणातून पाणी सोडल्यावर वाहतुकीसाठी बंद करावा लागतो. या समस्येवर कायमस्वरूपी तोडगा काढण्यासाठी २५० मीटर लांबी आणि अंदाजे ४८ कोटी रुपये खर्चाचा नवीन पूल उभारण्याचा प्रस्ताव महापालिकेने तयार केला असून, तांत्रिक मान्यता मिळाली आहे.